DILI, (TATOLI) – Governu no Estadu Unidu Amerika (EUA) konkorda sei implementa programa Millennium Challenge Coorporation (MCC) iha área rua importante maka má nutrisaun no klima negósiu iha rai-laran.
Ministéru Reforma Lejislativa no Asuntu Parlamentár, Fidelis Leite Magalhães, esplika atu hadi’a programa má nutrisaun hodi fó impaktu ba dzsenvolvimentu fíziku no kakutak sidadaun nian atu sai traballadór produtivu iha futuru.
Enkuantu klima negósiu maka oinsá atu hasa’e dezenvolvimentu investimentu ekónomiku, liuliu aumenta númeru negósiu.
ʺEkipa tekníku sei dezenvolve nota konseitu ida ho governu Timor-Leste atu haree programa importante saida ita bele halo hodi rzsolve problema rua ne’eʺ, dehan ba jornalista iha salaun Laligi Lariguto Komisaun Nasionál ba Eleisaun Kaikoli, ohin.
Governu sei aprova nota konseitu ne’e iha Konsellu Ministru no MCC mos sei aprova iha EUA hodi hahú implementa.
Nia hatete tan governu sei esforsu atu implementa iha tempu badak hodi rezolve.
Jornalista: Agapito dos Santos
Editora: Rita Almeida
