Top

PN Aprova Orsamentu Privativu Ba PM Ho Milliaun $9,670

Primeiru-Ministru hamutuk ho ninia membru sira iha debate proposta lei OJE 2019, iha uma fukun. Imajen António Goncalves

DILI, (TATOLI) – Parlamentu Nasional (PN) iha sesaun plenária kinta ne’e aprova ona orsamentu ba privativu Primeiru-Ministru (PM) ho montante milliaun $9,670, ho rezultadu votasaun a favor 41, kontra 1 no abstensaun 21.

Nune’e dotasaun ba saláriu no vensimentu $217.000, bens no servisu milliaun $3,925, transferénsia públika milliaun $4,469, kapitál menor milliaun $1,060 no laiha alokasaun ba kapitál dezenvolvimentu.

Orsamentu tinan 2019 ba Prezidénsia Repúblika sa’e, kompara ho orsamentu tinan 2018 ne’ebé ho montante milliaun $5,718, ho dotasaun ba saláriu no vensimentu $217.000, bens no servisu milliaun $1,991, transferénsia públika milliaun $3,510, enkuantu laiha alokasaun ba kategoria kapitál menor milliaun no kapitál dezenvolvimentu.

Orsamentu ba orgaun soberanu ne’e, iha proposta uala ne’ebé proposta ida kona-ba mudansa alokasaun orsamentu husi bens de servisu ba saláriu no vensimentu, proposta haat kona-ba kategoria saláriu no vensimentu, proposta balun atu halo redusaun no iha proposta ida mak atu tau osan ba organizasaun rezisténsia.

Jornalista: Julia Chatarina

Editora: Rita Almeida

Publisidade

Leave a Reply

Latest Post

error: Content is protected !!