DILI, 12 setembru 2019 (TATOLI)- Ministru Justisa, Manuel Cárceres da Costa, ho oin ‘hirus’ no lamentavel tebes ho akuzasaun públiku katak, nia hola parte hanesan broker ba kompañia Marino Enterprise hodi fasilita prosesu justisa ba disputa rai iha area Kaitehu, Suku Mota Ulun, Postu Administrativu Bazartete, Munisípiu Liquiça.
Notísia Relevante: Ohin, DTP Liquiçá Aprezenta Relatóriu Estatutu Rai Kaitehu Ba MJ
Ho espresaun ne’ebé nakonu ho hirus no arrepende boot, Ministru Manuel Cárceres da Costa, klarifika, ohin, ba jornalista sira katak, nia la’ós broker ba kompañia Marino Enterprise ba kazu disputa rai entre kompañia nasionál Marino Enterprise ho iha terrenu ba projetu produsaun Britas ne’ebé fones ena portu Tibar husi kompañia internasionál China Harbour Engineering (CHE).
Notísia Relevante : Tribunál Presiza Justifika Desizaun Ba Kazu Rai iha Kaitehu
“Ha’u brani sei buka hatene mafia justisa, ha’u hatene ona, sei book uluk husi Diresaun Nasionál Terra Propriedade (DNTP) no sei duni sai sira hotu. Ha’u la ta’uk ema ida tanba públiku hatete Ministru Justisa mak broker ba kompañia Marino Enterprise, maibé ha’u la koñese Kompañia Marino Enterprise,” afirma Ministru Justisa, Manuel Cárceres da Costa, iha Ministériu Finansa, Dili.
Notísia Relevante : Xanana “Asegura” Esplozaun Britas iha Tibar
Daudaun ne’e Ministru Manuel Cárceres da Costa, kaer evidénsia balun, tanba ne’e, nia promete sei buka atu deskobre hodi sobu sai mafia sira ne’ebé involve direta iha kazu disputa rai hodi hatuur loloos justisa.
Notísia Relevante : Estadu Bele Halo Rekursu Ba Disputa Rai Kaitehu
Manuel Cárceres da Costa, reforsa liután, mezmu daudaun ne’e, kompañia Marino Enterprise iha dokumentu kona-ba tranzasaun rai husi Diresaun Nasional Terra Propriedade (DNTP) maibé, sei analiza hodi hatene loloos dokumentu ne’e ninia legalidade.
Notísia Relevante : Arão Noé Preokupa Desizaun Tribunál Ba Kazu Rai Kaitehu
Jornalista : Nelson de Sousa
Editór : Francisco Simões
