DILI, 22 novembru 2019 (TATOLI) – Komisáriu Komisaun Funsaun Públiku (CFP-sigla portugés) ho Portfolio Forsa Traballu, Formasaun no Sigap, José Telo Soares Cristovão, hateten, instituisaun independente seidauk di’ak tanba kontrolu sei fraku.
Notísia Relevante : RAEOA Goza Autonomia Mais Extensiva
“Ha’u hanoin iha aprezentasaun instituisaun independente sira akresenta katak jestaun rekursu umanu iha administrasaun indireta sira seidauk di’ak tanba kontrolu sei fraku, laiha órgaun fiskál atu fiskaliza,” hateten José Telo Soares Cristovão, ohin, hodi responde TATOLI, liuhosi mensajen WhatsApp.
Nia dehan, kona-ba area formasaun presiza kria aproximasaun no metodolojia relevante ba formasaun funsionáriu públiku hodi muda formasaun klásiku ne’ebé oras kontinua eziste.
Nia dehan, Governu presiza investe maka’as iha area peskiza liuhosi Instituto Públiku, Maibé institutu ne’e mós presiza sai institutu autónomu ho nia profisionais peskizadór rasik.
“Oras ne’e ita mós iha progresu lubun ida iha prosesu desentralizasaun horizontal. Iha ona estabelesimentu por volta 100 Institutu Administrasaun Indireta,” nia tenik.
Hatán kona ba empreza publika tenke 100% investimentu hosi Estadu no mós iha empreza Estatais, institutu públiku tenke iha nia ema rasik, labele uza fali ema Estado nian, ikus liu kona ba fundasaun publika ho direitu públiku bele ho direitu privadu.
Jornalista : Domingos Piedade Freitas
Editór : Francisco Simões
