DILI, 02 setembru 2020 (TATOLI)-Ministru Edukasaun Juventude no Desportu (MEJD) Armindo Maia, hateten ekipa tékniku hahú foti ona dadus ba eskola Ensinu Báziku tolu iha Quelicai no Venilale Munisípiu Baucau ne’ebé maka anin boot sobu iha fulan-agostu liuba.
Vise Ministru Edukasaun Juventude no Desportu, António Guterres, maka lidera ekipa tékniku hodi foti dadus iha terrenu.
“Ha’u nia vise ho ekipa apoiu tékniku agora dadaun iha ona terrenu hodi observa direita kondisaun eskola sira ne’e atu nune’e bele foti dadus detallu para ministériu bele halo intevensaun,” dehan Governante ba jornalista sira iha Palacio do Governo Dili, kuarta ne’e.
Governu sei halo intervensaun ba eskola tolu ne’ebé estragus hafoin Vise Ministru ho ekipa tékniku sira ramata foti dadus iha baze.
Jornalista : Tomé Amado
Editór : Agapito dos Santos
