DILI, 04 setembru 2020 (TATOLI)-Vise Diretór Eskola Paulo VI, Atanazio António da Silva, hateten eskola kontinua aplika propinas ba estudante sira durante implementasaun Estadu Emerjénsia tanba selu pakote kada fulan haat ho valór $ 120.
“Se propinas ne’e mak selu kada fulan ita bele iha dalan seluk atu rezolve tanba ita hatene fulan rua kuandu mosu COVID ne’e atividade hotu paradu, maibé ita-nia propinas ne’e selu tuir pakote, fulan haat ho montante osan $120.00 ne’ebé estudante sira tenki selu tuir pakote,” dehan nia ba ajénsia Tatoli iha eskola Paulo VI Bairru Sentrál, sesta ne’e
Nia rekoiñese iha lamentasaun barak husi inan-aman estudante sira kona-ba kestaun ne’e maibé ida ne’e desizaun eskola nian tenki kumpre.
“Ami nia sistema mak ida ne’e ona kada estudante tinan ida tenki selu propinas tuir pakote dala tolu, ne’ebé ita tenki la’o tuir sistema ne’ebé iha ona, ami sei la muda redú ka halakon,” katak nia.
Jornalista : Tomé Amado
Editór : Agapito dos Santos
