DILI, 25 setembru 2020 (TATOLI)-Diretora Ezekutivu Laboratóriu Nasionál, Endang Soares da Silva, hateten Laboratóriu Nasionál simu ona tetu fiskál 2020 husi Ministériu Finansa hamutuk rihun $ 578 hodi ezekuta ba salariu vensimentu no bens servisu.
Durante 2020, LABNAS uza osan husi Dotasaun Orsamentu Temporariu ne’ebé maka aloka husi Ministériu Finansa kada fulan ho totál $ 59.752-resin, hodi aloka ba salariu vensimentu hamutuk $ 27.256 no ba bens servisu $ 32.606.
Notísia Relevante :Laboratóriu Nasionál kada loron halo teste ba suspeitu COVID-19 na’in 90
”Tanba durante ne’e ita la’o ho orsamentu DOT entaun kada fulan haruka mai iha Laboratóriu Nasionál hamutuk $ 59.752,’’ Nia informa ba Tatoli via telefone, sesta ne’e.
Nia parte la konsege implementa programa barak tanba Governu ejiste de’it ho osan duodesimu.
“Viajen lokál iha alokasaun orsamentu ne’e, ami limita tanba ho situasaun COVID-19 ne’ebé mak iha bainhira problema ruma iha Musípiu liliu Ospitál referál sira hanesan problema ho mákina sira entaun presiza ami ba halo manutensaun tanba ne’e mak ami prevee orsamentu lokál para ami atende servisu iha Munisípiu sira,’’ nia hateten.
Notísia Relevante :LABNAS uza ekipamentu manual hodi halo teste ba COVID-19
Jornalista : Felicidade Ximenes
Editór : Agapito dos Santos
