COVALIMA, 28 juñu 2021 (TATOLI) – Administrasaun Munisípiu Covalima foin ezekuta 40% Orsamentu Jerál Estadu tinan fiskál 2021 hosi montante tokon $4.7.
Notísia Relevante : Idózus-invalidés 6.066 iha Covalima hahú simu pensaun
Administradór Munisípiu Covalima, Francisco de Andrade ba Agéncia Tatoli iha Covalima, segunda ne’e, informa ezekuta orsamentu 2021 nian ne’e ba item saláriu vensimentu hamutuk $1.285, bens servisu $1.105, transferénsia públiku $1.582 , kapitál menór $ 267, kapitál dezenvolvimentu $442.008.
Administradór Francisco de Andrade hateten, iha Covalima ba 2021 nian iha projetu fíziku foun rua, hanesan konstrusaun rezidénsia Administradór Munisípiu Covalima hamutuk $262.570 no konstrusaun edifísiu Postu Administrativu Maucatar $1.79 438
“Projetu foun rua ne’e seidauk implementa tanba tuir nia prosedimentu atu implementa projetu ne’e nia BoQ tenke aprova hosi Ajénsia Dezenvolvimentu Nasional (ADN),” Francisco Andrade hateten.
Jornalista : Celestina Teles
Editór : Francisco Simões
