Covalima simu tan AstraZeneca vial 700
COVALIMA, 01 jullu 2021 (TATOLI) – Munisípiu Covalima simu tan ona vasina AstraZeneca vial 700.
Notísia Relevante : Abitante 7.000-resin iha Covalima simu ona vasina doze daruak
“Munisípiu Covalima simu tan vasina AstraZeneca hodi atende komunidade ne’ebé ho idade 60 ba leten no ba liña frente ne’ebé seidauk simu vasina,” diretór servisu saúde Munisípiu Covalima, Filipe Pereira Lemos, informa ba jornalista iha Covalima, kinta ne’e.
To’o ohin loron abitante hamutuk 7.000-resin iha Munisípiu Covalima maka simu ona vasina AstraZeneca ba dose daruak hodi halo prevensaun ba COVID-19.
Tuir dadus Ministériu Saúde ne’ebé Tatoli asesu; previsaun hosi vial 700 ba ema ne’ebé sei simu vasina hamutuk 8,400 ho kartaun vasina ne’ebé preparadu 8,470.
Jornalista : Celestina Teles
Editór : Francisco Simões
