COVALIMA, 07 jullu 2021 (TATOLI) – Atu fasilita votasaun iha eleisaun prezidensiál 2022, Sekretariadu Tékniku Administrasaun Eleitorál (STAE) Munisípiu Covalima, identifika ona sentru votasaun provizóriu 80 no estasaun votasaun 92.
“Provizóriu totál sentru votasaun 80 ho estasaun votasaun 92 iha Munisípiu Covalima,” Diretór STAE Munisípiu Covalima, Cláudio Cardoso, informa ba Agência Tatoli iha nia kna’ar fatin, Covalima, kuarta ne’e.
Kona-bá rekursu STAE sei halo tan rekrutamentu sei aumenta tan ofisial ne’ebé hanaran brigada ka poling staff sei hala’o sira-nia kna’ar iha sentru votasaun no estasaun ne’ebé mak STAE identifika provizóriu.
Dadus hosi STAE rejista eleitór foun 850 ne’ebé kompostu hosi mane na’in-426 no feto na’in-424 ho nune’e dadus provizóriu iha Munisípiu Covalima eleitór hamutuk 50,395
Jornalista : Celestina Teles
Editór : Francisco Simões
