Top

Eleisaun prezidensiál 2022: PR husu sidadaun kria pás no estabilidade

Eleitór hatama liman fuan-hatudu ba tinta indelevel hafoi ezerse nia direitu votu iha Eleisaun Prezidensial 20 Marsu 2017. Imajen Tatoli/António Gonçalves.

DILI, 03 fevereiru 2022 (TATOLI)—Prezidente Repúblika, Francisco Guterres ‘Lú Olo’, husu sidadaun hotu kria pás no estabilidade iha prosesu eleisaun prezidensiál ne’ebé sei realiza iha loron 19 fulan-marsu tinan 2022 tinan 2022.

Notísia Relevante: To’o ohin, Tribunál Rekursu rejista ona kandidatu PR na’in-11

“Prezidente Repúblika nia mensajen primeiru mak pás no estabilidade iha ita-nia rain tenke iha no nia kontra ema sira-ne’ebé iha intensaun atu dezestaviliza ita-nia rai, nune’e ha’u konkorda tebes ho mensajen Prezidente Repúblika nian,” Primeiru-Ministru, Taur Matan Ruak, hateten ba jornalista sira hafoin ramata enkontru semanál ho Xefe Estadu iha edifísiu Palásiu Prezidensiál Nicolau Lobato, Bairru Pite, kinta ne’e.

Iha iha atividade prosesu hotu-hotu iha eleisaun prezidensiál to’o kampaña no prosesu tomak ne’ebé hala’o iha Timor-Leste presiza hakmatek no prosesu tomak bele la’o di’ak hodi hetan prestíjiu iha mundu.

“Espera sidadaun hotu simu ida-ne’e, hanesan ita hotu nian,” PM Taur hateten.

Xefe Governu mós lamenta ho situasaun ne’ebé loron hirak ne’e mosu konfrontu entre grupu joven ho joven sira tuda iha área balun iha Dili laran.

Notísia Relevante: Konfrontu iha Tasi-Tolu, PNTL detein suspeitu 28 no apreensaun motór 10

“Ha’u lamenta triste loos tanba haree oan sira foinsa’e, nasaun ne’e jerasaun foun nian maibé ami triste fali kuundu ho jerasaun foun hanesan foti nia hatun fali ba rai naruk ne’e, triste loos. Ha’u uluk sei idade 19, partisipa iha funu ho Prezidente Repúblika no maun boot Xanana ami idade hanesan imi mak halo funu. Tempu uluk matenek la barak no situasaun defisíl tebes maibé hadomi loos Timor-Leste. Maibé, ohin, joven sira la hadomi ita-nia rain, ida ne’e triste tebes,” nia hateten.

Tanba ne’e, Primeiru-Ministru Taur Matan Rak apela ba joven sira iha Timor-Leste atu kria dame no haree iha buat seluk ne’ebé joven sira bele halo di’ak ba povu Timor-Leste duké halo problema hodi provoka malu.

“Ba oan sira foinsa’e, ita bele iha diferensaa maibé sivísmu, respeitu, edukasaun ida-ne’e importante. Entaun favór ida labele oho malu, baku malu no tuda malu tán,” Xefe Governu ne’e apela.

Jornalista : Nelson de Sousa

Editór      : Cancio Ximes

Publisidade

Leave a Reply

Latest Post

error: Content is protected !!