Top

STAE sei emprime livru buletin votu 19.000-resin

Diretór Jerál STAE, Acilino Manuel Branco. Imajen TATOLI/Egas Cristóvão

DILI, 01 marsu 2022 (TATOLI)—Diretór Jerál Sekretariadu Tékniku Adminitrasaun Eleitorál (STAE), Acilino Manuel Branco, hateten STAE sei emprime livru buletin votu hamutuk livru 19.000-resin.

“Ita-nia estimasaun ba produsaun livru buletin de votos nian hamutuk 19.000-resin no hosi livru ne’e kada livru iha folla 50. To’o horisehik no ohin, tuir informasaun hosi téknika katak besik tama ona ba 6.000,” Diretór Jerál Sekretariadu Tékniku Adminitrasaun Eleitorál (STAE) ne’e hateten ba Agência Tatoli, iha nia knaar fatin Vera Cruz, Dili, tersa ne’e.

Nia garante katak iha loron tolu-haat, prosesu produsaun buletin votu bele ramata nune’e loron 11 marsu empreza bele entrega ona ba STAE.

“Ita garante empreza Gráfika Nasionál iha kondisaun di’ak ho nia no rekursu ne’ebé preparadu iha oras 24 nia-laran. Mákina sira iha kapasidade tanba ne’e la sala aban no bainrua ninia produsaun bele ramata ona,” nia hateten.

Tuir nia, rezultadu monitorizasaun ne’ebé ekipa téknika halo katak falta loron tolu ka haat, produsaun ba livru bulletin votu bele ramata maibé demora mak iha perfurasaun ba nia númeru tanba kada kartaun iha ninia númeru seriál, depois sei ko’a tanba kada buletin iha folla rua entaun presiza tesi fahe depois mak halo ba livru ida.

Livru buletin votu ne’e imprime iha loron 25 fevereiru no sei termina iha 11 marsu tinan 2022.

Jornalista : Osória Marques

Editór       : Cancio Ximenes

Publisidade

Leave a Reply

Latest Post

error: Content is protected !!