Anacleto Bento hetan votu 45 iha nia sentru votasaun
DILI, 19 marsu 2022 (TATOLI)-Kandidatu Prezidente Repúblika ho númeru sorteiu lima (5), Anacleto Bento Ferreira, hetan votu 45 iha ninia fatin vota eskola públika númeru 4 Kuluhun (MUI) hosi totál votu válidu 1862.
Anacleto Bento hetan votu 108 hosi eleitór sira iha suku Kuluhun ho sentru votasaun tolu mak sede suku oferese votu neen, eskola públika 04 MUI oferese votu 45 no eskola públika andar MUI oferese votu 57.
Kandidatu ho númeru sorteiu 14, José Ramos Horta, mak hetan votu 1.101, Francisco Guterres Lú Olo ho votu 352, Lere Anan Timur votu 189, Mariano Assanami Sabino votu 132, Armanda Berta 55, Felisberto Araújo votu 12, Milena Pires votu 11, Martinho Gusmão votu hitu, Isabel Ferreira votu lima, Hermes Barros votu haat, Constancio Pinto ho Virgilio Guterres ho votu tolu, Rogerio Lobato ho Antero Bendito ho votu ida, Angela Freitas la hetan votu hosi votante sira.
Totál votu iha sentru votasaun Anacleto Bento hamutuk 1891, votu nulu 23 no mamuk (branku) neen.
Suku Kuluhun; sentru votasaun iha sede suku rejista votante hamutuk 741 ho rezultadu votu nulu hitu, Ramos Horta hetan votu 479, Francisco Guterres Lú Olo votu 118, Lere Anan Timur votu 37, Mariano Assanami votu 33. Sentru votasaun eskola públika MUI Andar rejista votante 1474 ho rezultadu votu nulu 16 no branku (mamuk) ida, Ramos Horta ho votu 805, Lú Olo votu 310, Lere Anan Timur votu 90, Mariano Assanami votu 71, Armanda Berta votu 60, Anacleto Bento votu 57.
Sentru votasaun tolu iha suku Kuluhun hetan partisipasaun másima hosi observadór nasionál, internasionál, fiskál hosi kandidatu, brigadista, ofisiál eleitorál hosi Sekretariadu Tékniku Administrasaun Eleitorál (STAE), Komisaun Nasionál ba Eleisaun (CNE sigla portugés) no hetan seguransa másimu hosi Polísia Nasionál Timor-Leste (PNTL).
Totál eleitór iha sentru votasaun suku Kuluhun hamutuk 5.332, ne’ebé mai hosi aldeia hitu (7), hanesan aldeia Toko Baru II, Nato, Soru Mutu ba Dame, Lao Rai, Tane Mutu, Funu Hotu no Loe Laco.
Notísia relevante: Anacleto Pereira sei simu rezultadu ho responsabilidade
Jornalista : Nelia Fernandes
Editora : Cancio Ximenes
