iklan

DILI, MUNISÍPIU

PR koordena ACCCTO apoiu vítima dezástre naturál iha Viqueque-Lospalos-Covalima

PR koordena ACCCTO apoiu vítima dezástre naturál iha Viqueque-Lospalos-Covalima

Ponte Uani-uma iha postu Uatucarbau kotu difikulta movimentu públiku, kinta (30/06). Imajen Tatoli/Vitorino Lopes da Costa

DILI, 01 jullu 2022 (TATOLI)—Prezidente Asosiasaun Komersiál Komunidade Xineza iha Timor-Oan (ACCCTO, siglá portugés), Katleheen Gonçalves, hateten Prezidente Repúblika (PR), José Ramos Horta, koordena ona ho sira atu fó apoiu umanitáriu ba família afetadu dezástre naturál iha Covalima, Lospalos no Viqueque.

Notísia Relevante: Dadús provizóriu: uma 170 iha área Beaço afetadu inundasaun

“Prezidente Repúblika konvida ami Asosiasaun Komunidade Xineza Timoroan, ami-nia emprezáriu sira mai iha ne’e atu haree ba asuntu ne’ebé loron hirak liubá udan boot, halo komunidade lubuk ida hetan inundasaun iha ita-nia rai-laran liu-liu iha área Covalima, Lospalos no Viqueque,” Prezidente Assosiasaun ne’e hateten ba jornalista sira hafoin ramata enkontru ho Xefe Estadu, iha Palásiu Prezidensiál Nicolau Lobato, Bairru Pite, sesta ne’e.

Nia dehan inundasaun ne’e halo komunidade barak mak afetadu, nune’e ekipa hosi Xefe Estadu nian mak sei tun ba iha munisípiu hirak ne’e hodi identifika dadús totál uma-kain hira, nune’e bele fó apoiu urjente.

“Apoiu umanitáriu ne’e prioridade hanesan foos, supermie, mina-tein no seluk tan liuhosi ita-nia Xefe Estadu bele lori apoiu ne’e ba to’o iha ita-nia komunidade ka vítima inundasaun sira. Apoiu umanitáriu ne’e kontribui mai hosi Komunidade Xineza iha Timor-Leste,” nia dehan.

Notísia Relevante: Bee tama prizaun Covalima: dadur 118 evakua ba aeroportu Kay Rala Xanana Gusmão

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!