Top

Istória harii dame-rekonsiliasaun importante ba estudante iha Timor-Leste

Ministru Edukasaun Joventude no Desportu, Armindo Maia. Imajen Tatoli/Francisco Sony

DILI, 12 jullu 2022 (TATOLI)—Ministru Edukasaun Juventude no Desportu (MEJD), Armindo Maia, hateten projetu istória harii dame no rekonsiliasaun importante tebes ba estudante iha Timor-Leste.

“Ita Timor-Leste presiza tebes tanba ita sai hosi istória naruk ne’ebé nakonu ho violénsia oioin hosi kolonializmu Portugés no okupasaun Indonézia, tanba ne’e mak istória harii dame no rekonsiliasaun importante tebes ba ita, liu-liu estudante sira iha Timor-Leste,” Governante ne’e hateten ba jornalista sira, iha Otél Novu Turzimu, Dili, tersa ne’e.

Tanba projetu istória ne’e presiza tau iha kúrrikulu edukasaun nian, nune’e estudante bele aprende no tau iha bibleoteka hodi estudnate ho professor sira bele asesu bainhira presiza.

“Projetu Edukasaun istória no Dame ne’e relasiona ho ita-nia istória no identidade Timor nian, tanba kuandu ita la hatene ita-nia istória entaun ita mós sei la hatene ita-nia identidade, ita maihosi neebe, ita ne’e sé no ita hakarak ba ne’ebé,” nia dehan.

Tanba harii dame no rekonsiliasaun ne’e importante ba Timoroan sira katak kuandu rai no ema la hakmatek mak dezenvolvimentu sei la la’o, tanba ne’e lori istória ba dame no lori rekonsiliasaun ba ema.

Diretór Ezekutivu Centro Nacional Chega (CNC), Hugo Fernandes, hateten hosi projetu istória ne’e iha nia komponente boot tolu hanesan, ida ba professor sira, depois apoiu ba dijitalizasaun arkivu nian, nune’e profesór ho estudante bele halo peskiza no seluk mak oinsá fó apoiu jestaun bibleoteka ne’ebé mak iha.

“Ida-ne’e mak komponente tolu ne’ebé mak hosi projetu ida-ne’e nian, entaun ohin MEJD dehan ona katak teknikamente projetu ne’e hahú hosi ohin lansamentu, estabelesimentu rede profesór sira-nian iha Timor-Leste,” Hugo hateten.

Projetu istória ne’e hetan apoiu hosi parseiru UNESCO Jakarta ho CNE no MEJD, no sapoiu fundu hosi Governu Korea do Sul liuhosi KOICA hamutuk millaun $5 mak organiza Enkontru Nasional ba Rekonsiliasaun Konflitu no Harii Dame.

Jornalista : Osória Marques

Editór       : Cancio Ximenes

Publisidade

Leave a Reply

Latest Post

error: Content is protected !!