Top

PM sei lansa pagamentu “Bolsa da Mãe Jerasaun Foun” iha 22 jullu

Inan Feton isin rua sira bainhira ba iha Centru klinika Formosa hodi Cek up ba sira nia bebe, Tersa 5 Otubru 2021.Imaje Tatoli/Antonio Goncalves

DILI, 20 jullu 2022 (TATOLI)–Diretór Dirasaun Nasionál Asisténsia Sosiál (DNSA), Lucas Toir, hateten Primeiru-Ministru, Taur Matan Ruak, sei lansa pagamentu bolsa da mãe jerasaun foun iha 22 jullu tinan ne’e ho benefisiáriu hamutuk 3.570.

Notísia Relevante: Governu sei lansa rejista “bolsa da mãe jerasaun foun” iha 17 juñu

“Bainrua (sesta, 22 jullu), Primeiru-Ministru, Taur Matan Ruak, sei lansa pagamentu bolsa da mãe jerasaun foun iha Munisípiu Ainaro ho totál benefisiáriu hamutuk 3.570,  ne’ebé sei akompaña hosi Vise Primeiru-Ministra no Ministra Solidariedade Sosiál no Inkluzaun (MSSI), Armanda Berta dos Santos, no mós Ministra Saúde (MS), Maria Odete Belo,” nia dehan ba Agência TATOLI, iha nia knar fatin MSSI Caicoli, Dili, kuarta ne’e.

Hosi totál benefisiáriu na’in-3.570 ne’e, kompostu hosi munisípiu Ainaro 682 ho osan $12,850, Bobonaro hamutuk 861 ho osan $16,195 no Rejiaun Administrativa Espesiál Oé-Cusse Ambeno (RAEOA) hamutuk 2.027 ho osan $39.060.

Diretór DNSA ne’e relata, Ainaro inan isin-rua hamutuk 154, labarik ho idade 0-3 no kontinua idade 6 hamutuk 526, labarik defisiénsia na’in-rua (2); Bobonaro inan isin-rua hamutuk 203, labarik ho idade 0-3 no kontinua idade neen (6) hamutuk 657, labarik defisiénsia na’in-ida (1) no RAEOA inan isin-rua hamutuk 290, labarik idade 0-3 no kontinua tinan neen hamutuk 1.733 no ema ho defisiénsia tolu (3).

“Entaun totál osan ne’ebé, ita atu selu ba benefisiáriu 3.570 hamutuk $68.105 no hosi totál osan ne’ebé aloka ba programa bolsa da mãe jerasaun foun hamutuk $6,9,” nia dehan.

Notísia Relevante: MSSI-BNCTL asina nota entendimentu ba pagamentu “bolsa da mãe jerasaun foun”

Jornalista : Osória Marques

Editór       : Cancio Ximenes

Publisidade

Leave a Reply

Latest Post

error: Content is protected !!