iklan

NASIONÁL

Violénsia kontra feto-labarik feto iha Manufahi-Dili hamutuk 2.265

Violénsia kontra feto-labarik feto iha Manufahi-Dili hamutuk 2.265

Labarik feto ida tutur hela ai-farina tahun hodi ba fa'an iha aldeia Moleana, Suku Ritabou, Ponstu Maliana Vila, kuarta (08/12). Imajen Tatoli/Francisco Sony

DILI, 28 jullu 2022 (TATOLI)–Deputy Team Leader Program Nabilan, Maria Veronica, hateten tuir peskiza ne’ebé mak Nabilan ba violénsia kontra feto no labarik feto iha munisípu Manufahi no Dili hamutuk 2.265.

”Violénsia kontra feto no labarik feto iha munisípu Manufahi no Dili hamutuk 2.265. Hosi totál kazu ne’e, violénsia kontra labarik hamutuk 1.426 no halo violénsia hasoru parseiru íntimu hamutuk 839,” Maria Veronika hateten ba jornalista sira hafoin lansamentu ramata iha Asia Fobdation Timor-Leste, Bebonuk, Dili, kinta ne’e.

Estatístiku xave hosi relatóriu violénsia kontra labarik iha Timor-Leste no vulnerabilidade ba konsekuénsia negativu bainhira adultu liga ho saúde no violénsia iha tinan 2022.

Nia dehan, mane sira-ne’ebé hetan trauma durante sei ki’ik iha risku bootliu atu halo violénsia ba sira-nia parseira íntimu bainhira adultu, nune’e mós feto ne’ebé hetan trauma ruma durante sei ki’ik iha risku bootliu hodi hetan violénsia hosi parseiru íntimu sira bainhira sai adultu.

“Peskiza ne’e hatudu katak violénsia kontra labarik akontese barak iha Timor-Leste no hamosu konsekuénsia signifikativa ba adultu sira-nia saúde no bein-estar família no estudu hatudu katak violénsia kontra labarik no violénsia kontra feto iha ligasaun forte ba malu,” nia dehan.

Kona-ba feto no mane sira-nia esperiénsia violénsia durante sei ki’ik, nia dehan, iha risku bootliu atu relata mak laran-susar, defisiénsia no hanoin atu oho an no mane sira-ne’ebé hetan violénsia durante sei ki’ik iha probabilidade bootliu atu hetan sintoma depresaun, hanoin atu oho-an no sintoma estres pos-traumatiku.

”Esforsu sira hodi prevene violénsia kontra labarik la’ós de’it hamenus labarik sira-nia esperiénsia ho violénsia, maibé mós sei hamenus risku katak labarik sira sei hetan ka halo violénsia iha sira-nia relasaun kaben ka namora bainhira sira sai adultu,” nia esplika.

Iha fatin hanesan, Sekretaária Eatadu Igualidade no Inkluzaun (SEII), Maria do Rosario Fatima Correia hateten, violasaun hasoru labarik númeru nafatin aas iha Timor-Leste no iha futuru atu hamenus mak tenke parte hotu servisu hamutuk hodi bele redús sirkunstánsia ne’ebe mak akontese ba labarik feto no mós ba maluk defisiénsia sira.

“Ita hanoin ona katak tanba ita iha lei kontra violénsia doméstika ne’ebé mak nia natureza krime públiku durante inplementa iha tinan 2010, tanba ne’e ita sei konsulta ho autór tribunál sira tanba sira mak implementadór, nune’e ita husu katak progresu lei ne’e oinsá,” nia relata.

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!