DILI, 03 agostu 2022 (TATOLI)–Governu liuhosi reuniaun Konsellu Ministru (KM), kuarta ne’e, aprova ona projetu dekretu-lei ba alterasaun datoluk ba Orgánika Ministériu Administrasaun Estatál (MAE), ne’ebé aprezenta hosi Ministru Administrasaun Estatál, Miguel Pereira de Carvalho.
“Inisiativa lejizlativa ne’e iha ligasaun ho nesesidade hodi estabelese liña atuasaun no koordenasaun ida entre Ministru Administrasaun Estatál no Sekretariadu Tékniku Programa Nasionál Dezenvolvimentu Suku (PNDS), hodi permite akompañamentu boot no besik liu ba programa no atividade sira neébé ezekuta ona hosi PNDS no iha foti desizaun sira,” Ministru Prezidénsia Konsellu Ministru, Fidelis Manuel Leite Magalhães, hateten hafoin reuniaun KM, iha Palásiu Governu.
Notísia relevante: PNDS garante UKL 2021 iha Bobonaro sei konklui iha agostu
Kontestu ne’e, Sekretariadu Tékniku PNDS maka servisu sentrál MAE nian ne’ebé depende ba governante ne’ebé responsável hodi halo atu materiál sira ne’ebé nesesáriu ba ezersísiu atribuisaun iha área jestaun PNDS.
Jornalista : Antónia Gusmão
Editora : Julia Chatarina
