DILI

SETP mak iha kompeténsia atribui fatin ba Arte Moris

SETP mak iha kompeténsia atribui fatin ba Arte Moris

Ministeriu Justisa liuhosi Terra no Propriedade hasai Grupu Arte Moris nia sasán iha eis edifísiu artekultura Comoro, kinta (02/12). Imajen TATOLI/António Gonçalves.

DILI, 03 agostu 2022 (TATOLI)—Sekretáriu Estadu Arte Kultura (SEAK), Teófilo Caldas, hateten Sekretáriu Estadu Terras no Propriedade (SETP) mak iha kompeténsia atu atribui fatin ba Arte Moris hodi halo nia atividade.

Notísia Relevante: Governu Deside Ona Fatin Própriu ba Grupu Arte Moris

Sekretáriu Estadu Arte no Kultura (SEAK), Teofilo Caldas. Imajen Tatoli/Francisco Sony

“Kompeténsia atu atribui uma ka patrimóniu Estadu ba Arte Moris ne’e SETP nia kompeténsia la’os SEAK nian. SEAK só apoiu no promove no haree atividade kreatividade ba produtu grupu Arte Moris nian,” Governante ne’e esplika iha ámbitu Meet the Press ne’ebé SEKOMS realiza, iha salaun PCM, Dili.

SEAK nia esforsu mak iha altura ne’ebá foti alternativu ida mak kaza Europa, Armajen Bebora, no seluk mak haruka sira okupa fatin Ministériu Edukasaun nian maibé sira la hili fatin hirak-ne’e.

Ba futuru grupu Arte Moris mós rona Governu tanba SEAK bainhira haree no rona preokupasaun no kestaun hanesan ne’e sei atende no halo proposta ba SETP atu haree kestaun ne’e, tanba SEAK nafatin apoiu bainhira grupu sira-ne’e enfrenta problema atu nune’e grupu ne’e moris nafatin.

Notísia Relevante: Arte Moris rejeita armazen Bebora tanba la sufisiente hala’o atividade

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!