HEADLINE, KAPITÁL, NASIONÁL

KOICA apoiu funsionáriu hitu tuir programa bolsa estudu CIAT 2022

KOICA apoiu funsionáriu hitu tuir programa bolsa estudu CIAT 2022

Benefisiáriu bolsa estudu hasai foto hamutuk ho Embaixadór Koreia ba Timor-Leste, Kim Jeong-ho, kuarta (10/08). Imajen/KOICA

DILI, 10 agostu 2022 (TATOLI)—Korean International Coorperation Agency (KOICA) apoiu funsionáriu hitu tuir programa bolsa estudu Capacity Improvement and Advancenment for Tomorrow (CIAT) 2022 iha Koreia Súl.

“Funsionariu hitu ne’ebé hetan ona admisaun ba programa mestradu KOICA-CIAT ne’e atu halo viajen ba Koreia Súl iha fulan ne’e,” Diretór Nasionál KOICA, Eunju Cha, hateten, liuhosi nota ne’ebé Agência Tatoli, kuarta ne’e.

Diretór KOICA mós husu ba funsionáriu ne’ebé hetan ona oportunidade bele aproveita didi’ak no bele adapta ambiente.

Notísia relevante: KOICA kontribui millaun $5,998 implementa projetu YEES

Benefisiáriu bolsu estudu ne’e mak hanesan ofisiál Governu ne’ebé serbisu iha Sekretariadu Grande Projetu (SGP), Ministériu Agrikultura no Peska (MAP), Ministériu Obra Publika (MOP) no Ministériu Saude (MS).

“Programa mestradu ne’ebé sei foti foka iha área kompeténsia tekno-emprezariál bazeia ba Konverjénsia ICT iha Universidade Handong, siénsia peska iha Universidade Nasional Pukyong, dezenvolvimentu urbanu no rejionál iha Universidade Seoul, sidade inovativu aziátiku iha Universidade Sungkyunkwan no kontrola moras infetiva iha Universidade Yonsei,” nia akresenta.

Kursu hirak ne’e hanesan área importante ba dezenvolvimentu Timor-Leste hanesan ICT, peska, dezenvolvimentu urbanu, no saúde publika.

Nune’e,  bolseiru na’in-hitu ne’e ba Embaixada Koreia ohin hodi entrega sertifikadu admisaun.

Diplomata ne’e hein katak partisipante sira sei adapta di’ak iha Koreia, ne’ebé iha kultura no klima ne’ebé la hanesan no foka liu ba estudu.

Partisipante programa mestradu KOICA tenke sai hanesan ‘ajente mudansa’ ba dezenvolvimentu Timor-Leste.

KOICA fó ona oportunidade ba funsionáriu na’in-65 hodi partisipa iha programa mestradu iha Koreia, hahú hosi tinan 2010 to’o 2022.

Jornalista   : Arminda Fonseca

Editora        : Julia Chatarina

iklan
iklan

Leave a Reply

iklan
error: Content is protected !!