DILI,26 agostu 2022 (TATOLI)— Ministériu Saúde (MS), relata kazu óbitu ida, pozitivu foun nA’in-ualu, rekuperadu 10 no kazu ativu 45.
“Ohin, kazu óbitu ida , feto ho idade 80 , hosi munisípiu Dili ne’ebé halo tratamentu iha HNGV no teste PCR pozitivu COVID-19. Nune’e transfere ba iha izolamentu Vera-Kruz iha loron 26 agostu 2022. Matebian ho diagnostika sospecha tuberkoloze pulmonar glomerulonephritis extramembranosa aguda, diabetes melitu controlada hipertensaun arterial controlada ho COVID-19 ho CT:33.1. Matebian vasina kompletu AstraZeneca,” Diretora Jerál Prestasaun Saúde Odete da Silva Viegas , liuhosi nota ne’ebé Agência TATOLI asesu, sesta ne’e.
Nune’e, hahú 21 marsu 2020 to’o 26 agostu 2022 iha kumulativu kazu konfirmadu 2.3152 no óbitu 137.
Hosi horisehik mai ohin, Laboratóriu Nasionál Saúde halo teste PCR 36 kompostu vijilánsia sentinela laiha, rastreiu ba kontaktu lima, rastreiu aleatóriu rua, viájen internasionál 29, follow up iha kuarentena laiha.
Alende ne’e, totál teste PCR ne’ebé halo iha 25 agostu 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 62, hanesan Maubisse laiha, Maliana 21, Viqueque laiha, Suai sia, Baucau laiha, Ermera laiha, RAEOA laiha, HNGV 32, Lautém laiha, Vera-Cruz laiha no Manufahi laiha.
Populasaun elijível tinan 18 ba leten, ne’ebé simu ona vasina to’o iha loron 25 agostu 2022 , tuir sistema informasaun Saúde iha Ministériu Saúde, hanesan kumulativu 1ª doze iha Dili (89,2%) no kumulativu 2ª doze iha Dili (85,4%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 87,6% no simu ona doze daruak 77,2%.
Hosi insidénsia COVID-19 iha Timor-Leste, durante loron hitu ikus maka 1,4/100 mil abitante.
Iha loron 26 agostu 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu hitu, baixa ho COVID-19 ualu.
Notísia Relevante: COVID-19: kazu óbitu na’in-ida no ativu 48
Jornalista: Felicidade Ximenes
Editór : Florencio Miranda Ximenes
