HEADLINE, MUNISÍPIU, VIQUEQUE

Levantamentu rai no proriedade iha Beaço kuaze konklui

Levantamentu rai no proriedade iha Beaço kuaze konklui

Ekipa interministeriál halo hela atividade levantamentu rai no proriendade área dezignadu planta LNG Beaço iha postu administrativu Viqueque Vila, tersa (30/08). Imajen Tatoli/Vitorino Lopes da Costa

VIQUEQUE, 30 agostu 2022 (TATOLI)–Koodenadór interministeriál ba levantamentu rai no proriendade, Helder Freitas, informa, progresu levantamentu rai no propriedade iha área dezignadu planta LNG Beaço iha postu administrativu Viqueque Vila, munisípiu Viqueque kuaze konklui ona.

“Projetu tasi mane hosi Ministériu Petróleu no Minerál (MPM) fó delegasaun ba Timor GAP, E.P hodi administra projetu planta LNG. Ami iha obrigasaun oinsá asegura área ne’e, nune’e progresu serbisu hosi ekipa interministeriál ba levantamentu rai no propriedade komunidade  afetadu sira iha área dezignadu planta LNG daudaun ne’e atinje ona 95% no aban ami bele finaliza ona,” Koordenadór relata ba Agência Tatoli, iha sede suku Maluro, postu administrativu Viqueque vila, tersa ne’e.

Atividade levantamentu rai no propreidade dahuluk hahú iha loron 22 juñu to’o 05 jullu no levantamentu daruak 21 jullu to’o 03 agostu 2022.

Ekipa interministérial kompostu hosi Timor GAP, E.P iha ema 15, Ministériu  Justisa (MJ)  liuhosi Sekretartu Estadu Terra no Propriedade (SETP) iha 12, Ministériu Obra Públika (MOP) iha lima, Ministériu Agrikultura no Peska (MAP) iha 13, Ministériu Interiór (MI) liuhosi Polísia Nasionál Timor-Leste (PNTL) iha lima, Ministériu Planu no Ordenamentu (MPO), Ministériu Administrasaun Estatál (MAE), Sekretaria Estadu Arte no Kultura (SEAK) iha ida, task force iha 28, veteranu ida inklui autoridade lokál.

Notísia relevante: Levantamentu dadus identifika uma 103 afetadu projetu LNG iha Beaço

Área dezignadu planta LNG ba komunidade afetadu tomak iha suku Maluro iha rai ektare 574 no ekipa kontinua halo levantamentu iha suku Uma-uain Leten iha aldeia Kailoibere no Makaleku.

“Komunidade suku Maluro ne’e afetadu tomak no suku Uma-uain Leten iha aldeia rua ne’ebé sai afetadu ba projetu planta LNG Beaço. Dadus ita seidauk konklui loloos, tanba ne’e bainhira levantamentu ne’e ramata mak foin ita hatene loloos afetadu ba projetu ne’e,” nia akresenta.

Nia dehan, iha inísiu hahú halo levantamentu, ekipa hasoru komunidade ne’ebé ladún hetan informasaun kona-ba prosesu levantamentu, tanba ne’e sai dezafiu ba ekipa maibé konsege buka solusaun hodi rezolve ho di’ak.

“Ami koko kanaliza informasaun ba autroidade lokál iha suku ne’e no estabelese ekipa task force hodi fahe informasaun ba komunidade nune’e ikus mai sira mós kompreende,” nia akresenta.

Iha fatin hanesan, Xefe Koodenadór ekipa task force no atuál Xefe suku Maluro, Francisco Amaral, haktuir, prosesu levantamentu durante hahú to’o agora la’o ho di’ak.

“Ha’u hanoin desde inisíu halo levantamentu mosu dezentendimentu oituan, maibé ita konsege rezolve ho di’ak no simu malu hodi kria kondisaun ba prosesu dezenvolvimentu. Iha prosesu levantamentu ba komunidade nia uma daudaun atinje ona 98% no kona-ba rai atinje ona 95%, aban ne’e ita bele finaliza ona,” nia hato’o.

Tuir dadus, uma-kain afetadu hosi suku Maluro iha 293, kompostu hosi aldeia Maluro iha 115, aldeia Maka-Losa iha 65 no aldeia Loho-oan iha 113, ho totál abitante 1.167 no uma-lisan 34 maka sai afetadu hosi projetu LNG Beaço.

Jornalista   : Vitorino Lopes da Costa

 Editora       : Julia Chatarina

iklan
iklan

Leave a Reply

iklan
error: Content is protected !!