iklan

EKONOMIA, HEADLINE

BCTL kompromete apoia inisiativa instituisaun finanseira integra iha sistema P24

BCTL kompromete apoia inisiativa instituisaun finanseira integra iha sistema P24

Governdadór BCTL, Abraão de Vasconcelos. Imajen Tatoli/Francisco Sony

DILI, 13 setembru 2022 (TATOLI)–Governadór Banku Sentrál Timor-Leste (BCTL, sigla portugés), Abraão de Vasconselhos, informa, BCTL kompromete apoia inisiativa hosi instituisaun finanseira sira hodi hola parte iha sistema P24.

“Banku sentrál mós bazeia ba esperiénsia sira iha terrenu kompromete atu apoia kualker inisiativa hosi instituisaun finanseira sira ne’ebé hola parte iha sistema P24 atu promove asaun rede ajénsia iha nível suku no aldeia sira,” Governadór hateten iha ámbitu selebrasaun aniversáriu BCTL da-11 iha salaun OKA, Surikmas, tersa ne’e.

BCTL to’o iha agostu 2022 nia rohan rejista ona ajénsia finanseira sira hamutuk 3.000 resin.

“Ajénsia iha papel importante liu fasilita prosesu pagamentu ho dijitalizasaun, ha’u Komenda ba Primeiru-Ministru atu Governu ein kaixa dezenvolvimentu ajénsia sira iha programa ne’ebé relevante ho Governu,” nia sujere.

BCTL la’ós foku de’it iha parte dezenvolvimentu maibé mós akompaña ho prosesu edukasaun, konsidera flesidade servisu finanseiru sira. BCTL investe rekursu boot tebes iha programa literasia finanseira ne’ebé implementa iha forma oioin no hakarak expande programa literasia finanseira hodi inklui pograma digital financial literacy, BCTL kontinua foku atu promove inkluzaun finanseira iha Timor-Leste liliu asesu ba finansiamentu.

Notísia relevante: BCTL hili Kaebauk sai vensedór dahuluk ba Central Bank Award 2022

Aleinde ne’e, BCTL introdús ona polítika lubuk ida atubele ajuda pequena no médio empreza sira hodi dezenvolve di’ak liután no kontinua kompromete atu kontinua servisu hamutuk ho instituisaun bankária Timor-Leste kona-ba kestaun asesu ba finansa.

Tinan 10 nia laran konsege dezenvolve no transforma, iha tempu barak nia laran mós konsege dezenvolve ita-nia país ne’ebé totalmente case base ba sistema finanseiru ne’ebé mak di’ak no interligadu.

“Progresu ida ne’e la para de’it iha ne’e tanba evolusaun iha teknolojia kontinua avansa maka’as,” nia tenik.

Jornalista   : Antónia Gusmão

Editora        : Julia Chatarina

iklan
iklan

Leave a Reply

iklan
error: Content is protected !!