iklan

DESPORTU, BOBONARO, MUNISÍPIU

SEJD abertura jogu juvenil sub-16 no festivál sub-12 iha Maliana

SEJD abertura jogu juvenil sub-16 no festivál sub-12 iha Maliana

BOBONARO,13 setembru 2022 (TATOLI)-Sekretaria Estadu Juventude no Desportu (SEJD), tersa ne’e halo abertura ba kompetesaun jogu juvenil Cup sub-16  no festivál sub-12 iha kampu futeból Maliana, munisípiu Bobonaro ba époka 2022.

Kompetisaun ne’e organiza hosi Sentru Treinamentu Futeból Juvenil munisípiu Bobonaro (CTFJ-MB) ba jogu sub-16 partisipa hosi klubu hitu kompostu hosi Bupira FC, Bulobu FC, Raimaten, Sene, Becora no Borchál FC. Enkuantu jogu festivál jogadór sira hatudu tékniku no tátika individuál de’it.

Iha abertura ne’e klubu Bulobu FC manán Bupira FC ho rezultadu finál 5-1.

Notísia relevante: AFB planu sei realiza jogu futébol tolu iha époka 2022

Reprezentante Sekretáriu Estadu Juventude no Desportu atuál xefe departamentu alta desportiva, Marcos da Costa, lori Governu nia naran agradese ba CTFJ-MB tanba  hahú fó oportunidade no fihir atleta talentozu sira hodi sai ekipa ida atubele kompete ho klubu juvenil sira iha nasionál.

Tuir nia, desportu mak atividade ida famozu iha mundu ne’ebé mak foin sa’e feto no mane hakarak dezenvolve tanba ne’e bainhira nasaun ida atu hetan atleta ne’ebé di’ak tenke realiza kompetisaun beibeik.

“Entaun Sekretáriu Estadu mai ho nia misaun ida katak, joven mileniál kreativa mak valór desportiva ba iha komunidade, tanba ne’e maka atividade desportu sira la hahú de’it iha nasionál, maibé tenke hahú hosi  baze, atubele hetan fini sne’ebé iha talentu aas no kompetetivu,” nia hateten iha intervenesaun.

Marcos enkoraja jogadór sira atu hatudu jogu tuir tékniku no tátika ne’ebé haraik hosi treinadór idak-idak nune’e bele hatudu prestasaun di’ak iha kompetisaun ne’e.

“Parabéns ba imi hotu ne’ebé ohin partisipa, bainhira kontinua jogu karik joga ho Fair Play, joga ho kustu valór nian no respeita juri no árbitru sira nune’e bele sente katak imi ema+ne’ebé respeitu no simu manán ho lakon,” nia apela.

Vise Presidente Sentru Treinamentu Futeból Juvenil Timor-Leste, Agostinho Mesquita Martins, enkoraja inan-aman sira atu kontinua suporta no motiva labarik sira badinas treinu hamutuk ho treinadór sira.

Tamba tinan oin Governu sei organiza kompetisaun jogu futeból Komunidade país da Língua Portuguesa (CPLP sigla portugués) Cup ne’ebé sei partisipa mós klubu sira hosi rai-li’ur.

“Ne’e ita mós prepara ona jogadór, kada munisípiu prepara imi-nia jogadór, sub-16 iha trenadór sira mak halo selesaun, ne’ebé imi-nia esforsu-aan,” nia enkoraja.

Notísia Relevante:AFB identifika terinadór 22 partisipa formasaun hosi FFTL

Jornalistá: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!