DILI

Benefisiáriu “Bolsa da mãe jerasaun foun” iha Ainaro-Bobonaro seidauk simu subsídiu

Benefisiáriu “Bolsa da mãe jerasaun foun” iha Ainaro-Bobonaro seidauk simu subsídiu

Diretór Naionál Asisténsia Sosiál (DNAS), Lucas Tois. Imajen Tatoi/Osoria Marques.

DILI, 23 setembru 2022 (TATOLI)–Diretór Nasionál Asisténsia Sosiál (DNSA), Lucas Tois, hateten to’o agora benefisiáriu “bolsa da mãe jerasaun foun” iha Ainaro no Bobonaro seidauk simu subsídiu ba fulan-juñu nian.

Notísia Relevante: Benefisiáriu elijivel 7,515 sei simu subsídiu bolsa da mãe jerasaun foun

“To’o agora ita-nia benefiáriu hosi munisípiu Ainaro no Bobonaro nian seiduak simu tanba presiza Billete de Identidade (BI) mak foin loke konta hodi simu osan,” Diretór ne’e hateten ba Agência Tatoli, liuhosi telefónika.

Nia informa, benefisiáriu bolsa da mãe jerasaun foun iha Rejiaun Administrativa Espesiál Oé-Cusse Ambeno (RAEOA) simu tiha ona subsídiu.

Ba munisípiu Ainaro-Bobonaro, nia dehan, benefisiáriu sira tenke loke konta foun maibé benefisiáriu balun seidauk iha bilhete de identidade (BI) entaun to’o agora munisípiu rua ne’e seidauk simu osan ba fulan juñu nian

Nia dehan, Banku Sentrál Timor-Leste (BCTL) hakarak benefisiáriu hotu-hotu ba bolsa da mãe jerasaun foun nian tenke loke konta foun.

“Atu kria konta ne’e presiza fali dokumentu hanesan BI, kartaun eleitorál no pasaporte. Ida-ne’e mak halo, nune’e to’o agora benefisiáriu Ainaro ho Bobonaro seidauk simu osan,” nia dehan.

Benefisiáriu elejível ba bolsa da mãe jerasaun foun hosi munisípiu tolu ne’e hamutuk 7,515.

Notísia Relevante: MSSI-BNCTL asina nota entendimentu ba pagamentu “bolsa da mãe jerasaun foun”

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!