iklan

EKONOMIA, HEADLINE

MTKI konklui distribuisaun produtu Cesta Bázika ba abitante iha Ataúro

MTKI konklui distribuisaun produtu Cesta Bázika ba abitante iha Ataúro

Produtu Cesta Bázika ne’ebé empreza fahe ba abitante sira iha munisípiu Ataúro. Imajen/MTKI

DILI, 28 outubru 2022 (TATOLI)—Ministériu Turizmu, Komérsiu no Indústria (MTKI) liuhosi grupu traballu ezekusaun programa distribuisaun Cesta Bázika konklui ona distribuisaun produtu ba abitante sira iha munisípiu Atauro.

“Munisípiu Ataúro iha suku lima hanesan suku Vila Maumeta, Beloi, Biqueli, Maquili no Makadade, enkuantu benefisiáriu ne’ebé simu ona sira-nia direitu ne’e ho totál 11.335, no iha reklamante hamutuk 157, no grupu traballu rejista ema na’in-10 labele simu kabaze produtu Cesta Bázika tanba sira hetan vensimentu liu $500,” refere nota ne’ebé Agência Tatoli asesu, sesta ne’e.

Notísia relevante: Benefisiáriu 8.313 suku Leorema simu produtu Cesta Bázika

MTKI kontrata empreza nasionál, Agrobisnis Ataúro, ba distribuisaun Cesta Bázika iha Ataúro ba benefisiáriu 11.588, ne’ebé lansa iha loron 15 setembru no ramata iha 24 outubru 2022.

Parlamentu Nasionál aprova orsamentu ba programa Cesta Bázika hamutuk millaun $80, ne’ebé fahe ba entidade implementadór hanesan MTKI millaun $40 no Sekretaria Estadu Kooperativa (SEKoop) millaun $40 no kada entidade preve $2.800.000 ba kustu operasionál.

MTKI responsável ba distribuisaun produtu Cesta Bázika ba munisípiu Ataúro, Bobonaro, Dili, Liquiçá, Ermera inklui Rejiaun Administrativa Espesiál Oé-cusse Ambeno (RAEOA), ho totál benefisiáriu 739.512.

Jornalista   : Arminda Fonseca

Editora        : Julia Chatarina

iklan
iklan

Leave a Reply

iklan
error: Content is protected !!