iklan

NASIONÁL, POLÍTIKA

Governu inaugura ona uma ba veteranu grau 20-24 hamutuk 20-resin

Governu inaugura ona uma ba veteranu grau 20-24 hamutuk 20-resin

Uma foun ba Veteranu Filipe Belo ‘Rai-lakan’, iha suku Wenunuk, postu Metinaro. Imajen TATOLI/Francisco Sony

DILI, 07 novembru 2022 (TATOLI) – Ministru Asunu Kombatente Libertasaun Nasionál (MAKLN), Júlio Sarmento da Costa “Meta Mali”, hateten Governu liuhosi MAKLN inaugura ona uma veteranu ho grau 20-24 hamutuk 20-resin no uma barak mak sei iha faze konstrusaun nia-laran.

Notísia Relevante: Aban, MAKLN sei inaugura uma veteranu Rai Lakan iha Metinaro

“Uma ba veteran ne’ebé mak ita inaugura ona hamutuk 20-resin no barak mak seidauk tanba iha ita-nia maluk balun hakarak halo uma andar entaun prosesu mós kle’ur, nune’e seidauk bele inagura,” Meta mali hateten ba Agência Tatoli, iha resintu Parlamentu Nasionál, Dili, segunda ne’e.

Hosi ema na’in 20-resin ne’e, ema na’in-lima (5) hosi Baucau, Manatuto iha ema na’in-tolu (3) no Lautém nian to’o agora seidauk konstrui, tanba veteranu dezmobilizadu sira hakarak halo uma iha fatin ida de’it no hosi munisípiu seluk mós MAKLN inaugura ona no iha balun mak seidauk finaliza tanba sei iha feze konstrusaun.

Veteranu dezmobilizadu 20-24 hosi munisípiu Manatuto, postu administrativu Laleia, António da Costa “Derak”, iha postu Baucau Vila, João Cabral “Mau Wai Ria”, iha Dili iha postu administrativu Metinaro, Filipe Belo Ramos “Rai lakan”, Iha Manufahi ne’e um aba Agostinho Sarmento “Mautino”, iha Metinaro, Afonso Ximenes “Malibuti” no sleuk tán.

Antes ne’e, Governu prevee osan hamutuk $2,400,000 no kada veteranu hetan $4,000 ne’ebé luta tinan 20-24 iha ai-laran hamutuk na’in-98 no hosi ema hirak ne’e barak liu mak hosi rejiaun I Lospalos , tuir mak rejiaun II Viqueque, Baucau no seluk tán.

Jornalista : Osória Marques

Editór     : Cancio Ximenes

iklan
iklan

Leave a Reply

iklan
error: Content is protected !!