iklan

BOBONARO, MUNISÍPIU

Guarda floresta Bobonaro sei halo apreensaun ba kilat-manu

Guarda floresta Bobonaro sei halo apreensaun ba kilat-manu

Xefe departamentu floresta munisípiu Bobonaro, Martinho Bili-Mau. Imajen Tatoli/Sérgio da Cruz.

BOBONARO, 14 outubru 2022 (TATOLI) – Guarda floresta munisípiu Bobonaro sei halo apreensaun ba kilat-manu ne’ebé abitante sira uza kasa animál fuik iha ai-laran.

Xefe Departamentu Florestal Munisípiu Bobonaro, Martinho Bili-Mau, esplika, iha tinan oin gurda floresta sira sei halo apreensaun ba kilat-manu.

Bili-Mau haktuir, tuir loloos atividade ne’e realiza ona iha tinan hirak liubá, maibé la konsege implementa tanba diresaun ne’e menus gurada Floresta atu halo patrullamentu kobre suku sira.

Notísia relevante: UPF halo apreensaun ba kilat-manu ilegál hosi Atambua

“Ita iha postu neen ne’e iha hotu kilat-manu, tanba ne’e komesa iha janeiru 2023 ba oin ne’e, ita komesa halo ona atuasaun ba kilat-manu no tesi-ai arbiru ne’e ita tenke halo atuasaun, agora ita-nia guarda sira tuir hela formasaun iha Tibar, depois fila mai tinan foun mak ita halo serbisu sira- ne’e,” nia informa ba Agência Tatoli, iha Maliana, segunda ne’e.

Nia dehan, animál fuik sira-ne’e parte ida bele ajuda ema transporta ai-musan ba fatin seluk ne’ebé ema labele kuda, nune’e bainhira komunidade sira laiha konsiénsia hodi kontinua kasa animál fuik arbiru, bele halakon animál orijen Timor nian semo fali ba nasaun viziñu Indonézia.

Kona-bá komunidade sira-ne’ebé tesi ai-arbiru, Martino dehan  fó impaktu ba amibiente hodi hamosu errosaun iha tempu udan, mota sa’e ikus ema seluk mak sai vítima.

Tanba ne’e departamentu florestál sei halo hela arollamentu mákina ko’a-ai sira ne’ebé mak durante ne’e utuliza koa-ai sira nune’e bele hetan sertifikadu lisensa.

“Signifika sensor ne’e hanesan mos,motor ita sae motor karik tenke iha ‘SIM’,tamba atu tesi ai ne’e mos tenke iha lisensa,sira sei lori proposta mai suku,depois mai ita nia edifisiu membru sir aba survei ai sira ne’ebé atu tesi merese ona ka lae,ou iha fatin risku ruma karik,ou lulik karik,se laiha ita atua tuir lei ne’ebé mak iha ona sira ‘Bili-mau’ dehan.

Ikus liu Bilimau apela ba komunidade sira,atu badinas kuda ai iha fatin risku sira nune’e bele preven-an hosui dezastre naturais no bele konserva bee matan para bele fo matan ba amibiente sira iha munisípiu Bobonaro laran tomak.

Enkuantu diresaun florestál munisípiu Bobonaro iha funsionáriu eskritóriu, guarda florestá sira-ne’ebé destakada iha postu administrativu sira hamtuk na’in-38.

Notísia relevante: Komandu PNTL orienta membru detein komunidade ne’ebé uza kilat-manu

Jornalista   : Sérgio da Cruz

Editór         : Evaristo Soares Martins

iklan
iklan

Leave a Reply

iklan
error: Content is protected !!