DILI, 22 novembru 2022 (TATOLI)—Prezidente Republik, José Ramos Horta, husu Governu liuhosi reuniaun konsellu minsitru ne’ebé Governu konvoka hala’o iha munisípiu Ataúro ne’e, Governu fó prioridade hadi’a sentru saúde no portu iha munisipiu Ataúro .
Notísia Relevante: PR Horta apresia feto Ataúro manán iha kompetisaun kurrida bero
“Governu tenke haree maibé prioridade ida mak sentru saúde ida di’ak iha ne’e Ataúro. Ha’u fiar Primeriu-Ministro, Taur Matan Ruak, sei tau matan hodi aselera prosesu hadi’a sentru saúde no hadi’a portu Ataúro . Ha’u pesoalmente sei tau matan ba ida-ne’e,” Prezidente Repúblika, José Ramos Horta, hateten ba jornalista iha suku Manumeta Vila, Ataúro, tersa ne’e.
Xefe Estadu mós husu ba Governu atu iha reuniaun konsellu minstru ne’ebé hala’o iha Ataúro ne’e bele rezolve problema bee-moos no hadi’a portu iha Ataúro.
“PM hatene, halo konsellu ministru iha ne’e tenkr desizaun ruma sai hosi Konsellu Ministru, nune’e rezolve problema konkretu no pelumenus ida mak problema bee-moos iha Ataúro, ida fali tenke hare didi’ak mak hadi’a tiha portu Ataúro ne’e, pista aviaun ne’e hadi’a tiha, sentru saúde ida di’akliu ho ekpamentu kompletu,” nia dehan.
Tuir nia, Ataúro iha relasaun di’ak ho nasaun viziñu hanesan Indonézia, tanba ne’e presiza rezolve problema infraestrutura atu bele dada turista hosi nasaun viziñu Indonézia bele mai vizita iha fatin refere.
“Tanba tempu portugés sira mai iha ne’e, tempu portugés kuandu timoroan sira problema ho autotridade portugés sira halai ba Indonézia, nia dehan.
Iha istória Timor-Leste nian, foin dahuluk akontese, Governu sei konvoka reuniaun konsellu ministru iha munisipio Ataúro.
Jornalista : Mirandolina Barros Soares
Editór : Cancio Ximenes
