DILI, 02 dezembru 2022 (TATOLI)–Timor-Leste no Repúblika Kuba sei estabelese akordu kuadru kooperasaun ba atividade fízika no desportiva.
Tanba ne’e, Governu liuhosi reuniaun Konsellu Ministru (KM) estraordinária, sesta ne’e, delibera ona hodi autoriza Sekretáriu Estadu Juventude no Desportu (SEJD), Abrão Saldanha, asina akordu-kuadru kooperasaun iha ámbitu desportu entre Ministériu Edukasaun, Juventude no Desportu (MEJD) Repúblika Demokrátika Timor-Leste no Institutu Nasionál Desportu, Edukasaun Fízika no Rekreasaun Repúblika Kuba.
“Tuir konvéniu hosi kooperasaun ne’ebé asina hosi nasaun rua iha Timor-Leste, hatuur selebrasaun ba akordu foun ida, ho objetivu atu fortalese no hakle’an área kooperasaun sira iha ámbitu ba atividade fízika no desportiva,” Ministru Finansa, Rui Augusto Gomes, relata hafoin reuniaun ezekutivu, iha Palasiu Governu.
Notísia relevante: Governu Cuba apoia SEJD prepara atleta Timor-oan
Governu Kuba antes ne’e apoia ona SEDJ atu prepara atleta timor-oan liuhosi formasaun oinoin hodi dezenvolve atleta sira di’ak liután.
Jornalista : Antónia Gusmão
Editora : Julia Chatarina
