Top

Atleta Taekwondo 166 hosi munisipíu lima kompete iha abertura KAJATI Kupang

Eventu KAJATI Kupang, iha salaun desportu, sesta (09/12). Imajen Tatoli/Abílio Elo Nini

KUPANG, 10 dezembru 2022 (TATOLI)–Atleta Taekwondo Timor-Leste hamutuk na’in-166 hosi munisípiu lima, sesta (09/12) partisipa iha abertura Kepala Kejaksaan Tinggi (KAJATI), iha matéria kyorugi no poomsae, ne’ebé realiza iha salaun desportu iha distritu Kupang, Nusa Tenggara Timur (NTT), Repúblika Indonézia.

Prezidente Komisaun Organizadora, KAJATI tinan 2022, Jaja Raharja, informa, atleta timor-oan ne’ebé envolve iha abertura torneiu ne’e hosi munisipíu Dili, Liquiçá, Bobonaro, Lautém, inklui Rejiaun Administrativa Espesiál Oé-cusse Ambeno (RAEOA).

“Ami sente kontente no agradese tebes tanba iha atleta bainaka espesiál hosi nasaun viziñu Timor-Leste, ho totál atleta hamutuk na’in-166 hosi munisipíu lima no dozan 10,” Jaja Raharja, hateten iha abertura abertura torneiu, iha salaun desportu, Kupang.

Notísia relevante: Atleta feto Taekwondo hosi RAEOA okupa fatin datoluk iha eventu KAJATI Kupaun

Dozan 10 hosi munisipíu Dili, Universidade da Paz (UNPAZ), Kuluhun, Choque, KONI, Liquiçá, Bobonaro, Lautém no Oé-cusse, inklui atleta seluk ne’ebé maioria mai hosi Repúblika Indonézia.

“Objetivu hosi eventu ne’e, dahuluk atu promove atleta sira-nia telantu desportiva hodi buka fini ba future no daruak liuhosi kompetisaun ne’e bele hasa’e prestasaun talentu desportiva atleta mai hosi pra-kadet, kadet, juniór dan seniór,” nia tenik.

Abertura torneiu KAJATI realiza durante loron tolu, hahú sesta (09/12) to’o domingu (11/12), iha salaun desportu Kupang, ho totál atleta na’in-845 hosi dozan 32, kompostu hosi mane 495 no feto 317 (inklui Timor-Leste).

Kategoria eventu hosi pra-kadet A ba idade neen to’o hitu, pra-kadet B ba idade ualu to’o sia, pra-kadet C ba idade 10 to’o 11, pra-kadet D ba idade 12 to’o 14, nune’e mós seniór no juniór.

Jornalista   : Abílio Elo Nini

Editora        : Julia Chatarina

Publisidade

Leave a Reply

Latest Post

error: Content is protected !!