Top

MJ husu advogadu fó asisténsia ba suspeitu 24 iha prizaun Suai

Ministru Justisa, Tiago Amaral Sarmento. Imajen Tatoli/Celestina Teles.

COVALIMA, 16 dezembru 2022 (TATOLI)–Ministru Justisa (MJ), Tiago Amaral Sarmento, husu advogadu privadu fó asisténsia legál ba suspeitu na’in-24 ne’ebé kumpre prizaun preventiva iha prizaun Suai ne’ebe liu ona prazu.

Ministru Justisa Tiago Amaral Sarmento hakfodak durante hala’o vizita iha prizaun, nia identifika suspeitu na’in-24 iha bloku A kumpre ona nia pena priz preventiva liu ona tinan-ida.

“Ami haree suspeitu prizaun preventiva iha prizaun Suai liu ona pazu, ida ne’e kontra ema-nia direitu no viola lei. Ami husu ba advogadu atu tau matanba  sira-nia kliente sira,” Governante ne’e hateten asuntu ne’e ba Agência Tatoli hafoin hala’o vizita ba prezu  sira iha prizaun Suai, sesta ne’e.

Nia ezije tanba durante nia hala’o vizita identifka no husu direta ba prezu sira ne’ebé kumpre ona prizasaun preventiva durante tinan ida liu ona, maibé advogadu sira la fó asistensia legál.

Ho nune’e, advogadu sira tenke tau matan ba sira-nia klienta suspeitu 24 ne’ebé oras ne’e sira iha hela prizaun preventiva, bazea ba lei kódigu prosesu prenál suspeitu kumprr prizaun preventiva durante fulan neen no aumenta fulan ne’en ba tinan ida.

Realidade hatudu, prezu 24 iha prizaun Suai liu ona prazu, ida-ne’e la’ós responsabilidade ba Ministériu Justisa no Guarda Prizonál sira maibé reponsabilidade ba sira-ne’ebé fó asistensia legál hanesan advogadu no defensór ba suspeitu na’in-24 ne’ebé detain liu ona prazu.

Totál prezu iha prizaun Suai hamutuk na’in-110 no hosi numeru ne’e prizaun kondenadu 86, privasaun preventiva 24 ne’ebe fahe ba bloku A na’in-34, bloku B na’in-30, bloku C na’in-33 no kuzina na’in-13.

“Ami husu atensaun ni ezije sé mak fo asisténsia legal ba suspeitu sira-ne’e fó protesaun ba sira-nia direitu, tanba Ministériu Justisa nota katak suspeitu 24 detidu ba prizaun preventiva liu ona nia prazu,” nia dehan.

Tuir kódigu prosesu penal ne’ebé previstu iha artigu 195 hateten ba dahuluk, Prazu ba prizaun preventiva no medida seluk hanesan Prizaun preventiva la bele liu, alinea a) tinan ida, kuandu akuzasaun laiha, b) Tinan rua, kuandu kondenasaun iha primeira instánsia laiha , c) Tinan tolu, kuandu kondenasaun ho tránzitu-em-julgadu laiha, maibé kuandu iha rekursu kona-bá inkonstitusionalidade, prazu ne’e sa’e ba tinan tolu ho balun.

Daruak, ho despaixu fundamentadu, juíz bele hasa’e tan fulan neen (6) ba prazu referidu iha númeru anteriór, kuandu prosesu iha kompleksidade exesionál.

Datoluk, kuandu prazu referidu iha númeru anteriór sira ramata, tenke hasai kedas arguidu hosi kadeia, sem prejuizu ba-nia atu hela nafatin iha kadeia, tanba prosesu seluk.

Dahaat, medida-koasaun previstu iha artigu 192º ho 193º mate kuandu, desde momentu iha-ne’ebé medida ne’e ezekuta, prazu referidu iha nº 1 liu tiha ona dala rua.

Jornalista : Celestina Teles

Editór      : Cancio Ximenes

Publisidade

Leave a Reply

Latest Post

error: Content is protected !!