EKONOMIA

Konstrusaun parke industrial, SETP halo hela levantamentu dadus ba komunidade Ulmera

Konstrusaun parke industrial, SETP halo hela levantamentu dadus ba komunidade Ulmera

Sekretáriu Estadu Terras no Propriedades, Eldino Rodrigues dos Santos. Imajen SETP

DILI, 01 fevereiru 2023 (TATOLI)— Sekretária Estadu Terras no Propriedade (SETP), daudaun ne’e halo hela levantamentu dadus ba família agregadu 37 impaktu hosi konstruksaun parke industriál ne’ebe sei harii iha suku Ulmera, postu administrativu Bazartete, munisípiu Liquiça.

Sekretáriu Estadu Terra Propriedade, Eldino Rodrigues dos Santos, hateten, sira-nia parte halo levantamentu dadus ne’e ho objetivu halo verifikasaun didi’ak ba estatutu rai no haree komunidade nia ai-horis sira ne’ebé iha hodi hatene atribui indeminizasaun ba família agregadu sira.

“Liuhosi ita-nia levantmentu dadus ne’e, Governu fó indeminizasaun ba de’it família agregadu sira-nia hela fatin no plantasaun, tanba rai refere, maske komunidade hela kleur maibé pertense ba rai Estadu,” Eldino Rodrigues dos Santo dehan ba Agência Tatoli, iha Mandarin, Dili, tersa ne’e.

Notisia relevante : Rezultadu estudu viabilidade hatudu Ulmera viável harii parke industriál

Nune’e nia parte husu ba komunidade iha parte Ulmera koopera ho Governu bainhira halo indeminizasaun, tanba fatin refere Governu la’os foti de’it maibé tau orsamentu selu indeminizasaun.

Orsamentu prepara ba indiminizasaun ne’e rasik, aloka ona orsamentu milliaun $1,5.

Diretór Nasional Dezenvolvimentu Industriál iha Ministériu Turizmu Komérsiu no Indústria (MTKI), Fernando Lobato, hateten, parke industrial Ulmera halo ona estudu viabilidade no nia rezultadu hatudu viálvel atu halo kontrusaun parke indutriál iha Ulmera.

“Empreza ne’ebé halo estudu viabilidade ba parke industrial ne’e kaer hosi empreza Haberan no Tekno Sains Surabaya nia rezultadu viaével ona atu halo kontrusaun parke industrial iha Ulmera,” nia hateten.

Kustu ba estudu viabilidade iha rai ektare 50 iha Ulmera hamutuk $225.735 no hari parke industrial tomak hamutuk millaun $32.

Antes ne’e, ekipa responsável sira hasoru difikuldade oituan iha terrenu tanba rai iha Ulmera ne’e pertense ba Estadu, ne’ebé iha agregadu família hamutuk 37 hela kleur ona tanba ne’e presiza halo verifikasaun ho didi’ak.

Jornalista : Arminda Fonseca

Editora     : Armandina Moniz

iklan
iklan

Leave a Reply

iklan
error: Content is protected !!