INTERNASIONÁL

Embaixadór Mantaek husu Horta apoiu Korea ba membru UNSC

Embaixadór Mantaek husu Horta apoiu Korea ba membru UNSC

Prezidente Repúblika, José Ramos Horta, enkontru ho Embaixadór Korea Súl iha Timor-Leste, Shin Mantaek, iha Palásiu Prezidensiál Nicolau Lobato, Bairru Pité, segunda (06/02). Imajen Tatoli/Egas Cristovão.

DILI, 06 fevereiru 2023 (TATOLI)—Embaixadór Korea Súl iha Timor Leste, Shin Mantaek, ho Prezidente Repúblika, José Ramos Horta, segunda ne’e, diskute no husu PR Horta atu apoiu Korea ninia kandidatu ba rai membru naun-permanente iha United Nation Security Counsil (UNSC) nian.

“Ami diskute área barak tebe-tebes maibé sei iha enkontru tuir mai oinsá ami bele halo planu detallu ba área sira-ne’ebé ami diskute, nune’e bele ajuda duni Timor Leste ninia dezenvolvimentu. Ha’u mós husu ba Xefe Estadu atu apoiu Korea ninia kandidatu ba membru naun-permanente iha United Nation Security Counsil nian,” Shin Mantaek hateten ba jornalista sira, hafoin remata enkontru ho Xefe Estadu iha Palasiu Prezidensiál Nicolau Lobato, Bairu Pite, segunda ne’e.

Nia dehan, foin asume kargu hanesan Embaixadór Repúblika Korea iha Timor Leste, nune’e ohin halo vizita kortezia ida ba Xefe Estadu hodi diskute asuntu lubuk ida kona-ba oinsá koopera hamutuk hodi bele kontribui ba dezenvolvimentu Timor Leste nian.

Timor Leste ho Korea esperiénsia iha parte istória nian, iha buat barak ne’ebé hanesan istória, tanba ne’e Korea mós sofre depois funu Korea sofre estragu barak ho esperénsia sira-ne’ebé Korea iha, no hakarak atu mai introdús fali esperiénsia sira-ne’e hodi bele ajuda tulun dezenvolvimentu Timor Leste.

“Área importante ida-ne’ebé ohin ha’u diskute ho Xefe Estadu mak kona-ba Timor-Leste nia esforsu atu adere ba ASEAN. Governu Korea komprometidu atu apoiu Timor-Leste ba preparasaun liu-liu kapasitasaun rekursu umanu. Korea prontu bainhira de’it Timor-Leste presiza no Korea sei apoia área ida-ne’e atu ajuda Timor-Leste sai membru ne’ebé full iha ASEAN nian,” nia dehan.

Tanba, nia hateten, Timor-Leste ho Korea tinan kotuk halo tiha ona tinan 20 estabelese relasaun bilaterál entre Korea ho Timor-Leste, no tinan ida-ne’e hahú fali tinan dahuluk atu konta ba tinan 20 nafatin servisu hamutuk sai nasaun amigu ne’ebé di’ak ba future, nune’e nafatin tulun malu iha parte ne’ebé de’it.

Asuntu seluk ne’ebé diplomata ko’alia ho Xefe Estadu mak ida kona-ba Timor-Leste ninia apoiu ba Korea atu sai uma-na’in ba expo moda (busana) ne’ebé sei realiza iha 2030.

Entretantu, Prezidente Repúblika, José Ramos Horta prontu atu apoiu ba iha Korea ninia kandidatura sira-ne’e iha Komunidade internasionál.

Jornalista : Osoria Marques

Editór       : Cancio Ximenes

iklan
iklan

Leave a Reply

iklan
error: Content is protected !!