Top

Komisaun D sei halo apresiasaun projeitu-lei Baze Ekonómia Sosiál

Prezidente Komisaun D Ekonomia no Dezemvolvimentu, Deputadu Antoninho Bianco. Imajen TATOLI/Francisco Sony

DILI, 09 fevereiru 2023 (TATOLI)—Prezidente Komisaun D trata asuntu Ekonómia no Dezenvolvimentu iha Parlamentu Nasionál (PN), Deputadu Antonino Bianco, hateten komisaun sei halo apresiasaun inisiál ba projetu-lei númeru 49/V(5a)-Lei Baze Ekonómia Sosiál.

Nia hatutan, Komisaun D mós sei halo apresiasaun inisiál ba projetu-lei númeru 50/V(5a)- Seguransa, Saúde no Ijiéne iha Serbisu.

“Ami halo projetu rua mai hosi Komisaun D depois baixa tiha ona ba Komisaun iha reuniaun plenária tersa (02/02) liubá, depois ami estabelese ajenda hodi halo diskusaun audiénsia ho ministériu kompetente,” Prezidente Komisaun D ne’e hateten ba jornalista sira iha PN, kinta ne’e.

Tuir nia, ho audiénsia ho entidade sira seluk sei fó hanoin perspetiva saida ba projetu-lei rua ne’e, hafoin komisan sei halo relatóriu paresér hodi submete ba meza PN atu diskute iha plenária faze jeneralidade.

Deputadu Bianco esplika, konteúdu projetu-lei baze ekonómia sosiál ne’e liga ba ita-nia kooperativa, empreza prinsípiu sosiál detallu sei haree saida mak presiza mellora.

Maske nune’e, nia-parte seida’uk bele esplika detallu kona-ba projetu-lei rua ne’e inklui ho nia artigu hira, tanba sei halo uluk apresiasaun inisiál no iha diskusaun tuir mai bele ko’alia.

Entretantu, iha reuniaun plenária PN iha kuarta (08/02) ne’e, Prezidente Parlamentu Nasionál, Aniceto Longuinhos Guterres Lopes, anúnsia no baixa ba Komisaun D ba projetu-lei rua ne’e hodi hala’o apresiasaun ho prazu loron 20.

Jornalista : Nelson de Sousa

Editór      : Cancio Ximenes

Publisidade

Leave a Reply

Latest Post

error: Content is protected !!