Molok halo konsolidasaun, líder partidu polítiku tenke hato’o karta ba PNTL Bobonaro
BOBONARO, 06 marsu 2023 (TATOLI) – Polísia Nasionál Timor-leste (PNTL) munisípiu Bobonaro husu ba lideransa partidu polítiku sira hotu atu hato’o uluk karta koñesimentu ba autoridade seguransa molok halo atividade konsolidasaun ba militante no apoiante sira iha baze.
Notísia relevante: PNTL Bobonaro husu joven sira kontribui ba pás iha selebrasaun Páskua
“Husu ba líder partidu sira, bainhira atu halo konsolidasaun karik, bele fó koñesimentu mai iha parte seguransa, liuliu polísia komandu munisípiu Bobonaro atu nune’e bele garante durante hala’o konsolidasaun iha munisípiu, postu ba to’o iha suku,” Komandate Operasaun PNTL munisípiu Bobonaro, Inspetór Xefe Sabino de Araújo Soares, informa ba jornalista sira iha Maliana, segunda ne’e.
Inpestór xefe Sabino de Araújo hato’o asuntu ne’e tanba durante atividade konsolidaaun la’o iha munisípiu Bobonaro laran iha partidu balu konsege fó karta ba komandu maibé barak liu mak la halo atividade sein koñesimentu hosi autoridade seguransa.
“Maibé atividade ne’ebé hala’o iha munisípiu Bobonaro, ami konsidera no apoiu nafatin seguransa durante sira-nia atividade konsolidasaun ne’e,” nia katak.
Notísia Relevante:Dom Norberto husu polítiku sira labele insulta malu iha konsolidasaun
Jornalista: Sergio da Cruz
Editór: Evaristo Soares Martins
