EKONOMIA, BOBONARO, MUNISÍPIU

Governu lansa Asosiasaun Vendedór Merkadu Bobonaro

Governu lansa Asosiasaun Vendedór Merkadu Bobonaro

Diretór Jerál Hortikultura Ministériu Agrikultura no Peskás,Maria Odete do Seu Guterres,akompaña hosi Embaxador Austrália iha Timor-Leste,Bill Costelo,lansa ofisialmente Asosiasaun Vendedores Merkadu Munisipiu Bobonaro,imajen Tatoli Sergio da Cruz

BOBONARO, 10 marsu 2023 (TATOLI) – Ministériu Agrikultura no Peska (MAP), Sekretáriu Estadu Igualidade no Inkluzaun (SEII) no Embaixada Austrália iha Timor-Leste, sesta ne’e, halo lansamentu ba Asosiasaun Vendedór Merkadu Munisípiu Bobonaro iha ámbitu selebrasaun loron Internasionál Feto ho tema ‘Inovasaun Dijitál no Teknolojía ba Igualdade Jéneru’.

Diretora Jerál Ortikultura hosi MAP, Maria Odete do Seu Guterres, lori Governu nia-naran agradese ba Governu Austrália liuhosi Projetu To’os ba Moris Di’ak (TOMAK) ne’ebé mak apoia másimu ba atividade refere.

Notísia Relevante:Merkadu Mau-Mali sei lansa ba públiku iha fulan oin

Tuir nia, obra ne’e previlejiu bo’ot tebes ba Munisípiu Bobonaro tanba membru ne’ebé envolve iha asosiasaun refere maioria feto ne’ebé hakarak servisu ho voluntariamente.

Nia afirma, establesimentu asosiasaun refere, MAP mós komprometidu atu mantein fó apoiu asisténsia téknika ba vendedór sira atu bele hala’o sira nia atividade negósiu ho di’ak liután.

“Ita konsidera ne’e hanesan projetu adisionál, maibé ita mós kria kondisaun maske ki’ik, ita mós konsidera katak presiza buat ruma atu bele fasilita sira, liuliu iha komunikasaun no mobilizasaun produtu sira”, nia hateten iha salaun Alfandega, Munisípiu Bobonaro.

Iha sorin seluk, Diretór Jerál SEII, Armando da Costa, kongtrula no apresia TOMAK ho parseiru sira ne’ebé mak iha 2018-2019 halo peskiza ida kona-ba merkadu seguru iha Munisípiu Baucau no Bobonaro ne’ebé rezultadu peskiza refere rekomenda buat barak.

“Ita halo asaun ida ohin ne’e parte ida polítika hodi responde ba Imvitement ne’ebé ita halo iha peskiza, ne’ebé peskiza la hotu, peskiza de’it, maibé ita responde ho polítika, programa no atividade atu bele solusiona programa balu ne’ebé ita hetan liuliu hosi peskiza ne’ebé ita halo”, nia dehan.

Embaxadór Austrália iha Timor-leste, Bill Costelo, sente onradu tebes tanba bele hola parte iha serimónia lansamentu ne’e, tanba ho estabelesimentu asosiasaun refere hanesan susesu bo’ot ida ne’ebé mak atu asegura katak merkadu Bobonaro sei seguru ba feto no ema hotu ne’ebé mak mai faan sira nia produtu hodi hetan rendimentu ba apoiu família.

“Ida ne’e mós sei haforsa feto sira nia lian no mós partisipasaun negosiante sira iha merkadu no mós abilidade vendedór feto sira, oinsa atu lobi no mós imfluénsia Governu nia desizaun relasiona ho hasa’e kondisaun merkadu nia”, nia dehan.

Prezidente Autoridade Munisípiu Bobonaro, Ernesto de Oliveira Barreto, espara katak asosiasaun ne’e bele jere funsionamentu vendedór sira iha merkadu ne’ebé Governu prepara ona.

“Ita mós sei vizita no halo lansamentu ba merkadu Mau-Mali, hodi funsiona fila-fali iha kapitál Munisípiu Bobonaro hodi fó biban ba ita-nia vendedór sira ne’ebé hamahan-an iha asosiasaun vendedór ba halo fali atividade negósiu iha ne’eba”, nia katak.

Koordenadora Asosiasaun Vendedora Merkadu Bobonaro, Faustina Maia, eskalrese asosiasaun ne’e kria hosi vendedór sira hamutuk ema 60 ne’ebé hetan apoiu hosi projetu To’os ba Moris Di’ak (TOMAK) no parseiru sira seluk, tanba dala barak vendedór sira hato’o preokupasaun ba Governu maibé la konsidera.

“Ami nia objetivu atu kria ambiente ne’ebé seguru ba vendedór feto, labarik feto sira no ema ho defisiénsia sira, tanba haree katak maioria iha merkadu feto mak barak liu”, nia dehan.

Koordenadora ne’e haklaken, ho estabelesimentu asosisaunn refere ne’e bele sai ona hanesan ponte ida hodi kontribui ba komunikasaun no sai espelu ba sira nia aprezentasaun no prekupasaun liuliu vendedór sira no agrikultór sira nia-lian.

Serimónia ne’e hetan partisipasaun másimu hodi entidade relevante liuliu feto no vdendór sira iha merkadu Maliana. iha ámbitu realiza programa ne’e iha mós atividade aprezentasaun produtu lokál sira hosi vendedór Merkadu Maliana inklui produtu arte-zenatu sira, hanesan Tais, Belak, Morten no sasan kultura seluk tan.

Notísia Relevante:Negosiante Maliana husu tetu didi’ak bazár movel iha merkadu Mau-Mali no Soso

Jornalista: Sérgio da Cruz

Editór: Zezito Silva

iklan
iklan

Leave a Reply

iklan
error: Content is protected !!