DILI, 14 marsu 2023 (TATOLI)–Governu sei hasa’e subsídiu ba idozu no invalidéz husi dolár 50 ba dolár 57, iha tinan ne’e.
“Governu aprova no dekreta ona dekretu-lei númeru 53/2022, ne’ebé Prezidente Repúblika promulga ona 20 jullu 2022, katak subsídiu idozu no invalidéz nian sei sai hosi dolar 50 ba 57,” Vise-Ministra Solidariedade Sosiál no Inkluzaun (MSSI), Signi Chandrawati Verdial, hateten iha konferénsia imprensa, iha MSSI, tersa ne’e.
Tanba, tuir nia, subsídiu refere implementa bazea ba dekretu-lei 53/2022. “Entaun fulan neen, ita-nia inan-aman sei simu $342 no tinan ida sei simu $684,” nia dehan.
Lista idozu no invalidéz ba tinan 2022 iha faze dahuluk, benefisiáriu hamutuk 103.108. ho nia osan millaun $62.
Jornalista : Osória Marques
Editór : Cancio Ximenes
