Top

Governu sensibiliza planu asaun nasionál violénsia bazeia ba jéneru iha Covalima

Ilustrasaun violénsia fízika. Imajen/Espesiál

COVALIMA, 21 juñu 2023 (TATOLI)–Governu liuhosi Sekretáriu Estadu Igualdade no Inkluzasaun (SEII), kuarta ne’e, hala’o sensibilizasaun planu asaun nasionál violénsia bazeia jéneru nivél rejionál iha munisípiu Covalima.

“Atividade sensibilizasaun ami ko’alia atu haree liu planu asaun nasionál violénsia bazeia ba jéneru lidera hosi Sekretáriu Estadu Igualdade no Inkluzaun (SEII), ne’ebé iha nia liña koordenasaun atu implementa, la’ós SEII mak implementa,” Xefe departamentu Área Prevensaun Violénsia Bazeia Ba Jéneru, Isabel Adalgiza Ferreira, hateten ba jornalista, iha Ótel Joya Camanasa.

Nia hateten, maske la’ós SEII mak implementa maibé liña ministériu xave sira presiza implementa planu ida-ne’e, nune’e atu hamenus númeru violénsia bazeia ba jénenu iha nivél rejionál ida-ne’e.

Governu hala’o atividade sensibilizasaun ida-ne’e parte ida atu hasa’e sosiedade nia koñesementu, nune’e oinsá atu hamenus ka halo prevensaun ba violénsia bazeia ba jéneru no violénsia ba labarik ema ho difisénsia sira.

“Atu redús violénsia bazea jéneru ita tenke halo sensibilizasaun, tanba ida-ne’e planu asaun hanesan planu multi setorál entre liña minitériu xave sira presiza atu implementa, entaun oinsá partilla informasaun ba sosiedade sira atu hasa’e koñesementu komunidade oinsá atu halo prevensaun violénsia bazeia ba jéneru,” nia dehan.

Reprezentante Administradór Munisípiu Covalima, Germana Guterres Amarál, husu ba kargu xefia, sosiedade sivil ka ONG partisipa másimu iha atividade sensibilziasaun ida-ne’e atu kontinua habelar informasaun ba komunidade, nune’e bele redús númeru violénsia bazeia ba jéneru.

Atividade sensibilizasaun nivél rejionál kompostu hosi munisípiu Bobonaro, Ainaro, Manufahi no nmnisípiu Covalima.

Jornalista : Celestina Teles

Editór       : Cancio Ximenes

Publisidade

Leave a Reply

Latest Post

error: Content is protected !!