iklan

NASIONÁL, POLÍTIKA

Kór bandeira RDTL orna Palásiu PR sai “Jardin” pose ba IX Governu

Kór bandeira RDTL orna Palásiu PR sai “Jardin” pose ba IX Governu

Kór bandeira RDTL orna Palásiu PR sai “Jardin” pose ba IX Governu no moradór sira prepara-aan atu simu bainaka no membru IX Governu ne’ebé atu simu pose, sábadu (01 jullu 2023). Imajen Tatoli/António Daciparu.

DILI, 01 jullu 2023 (TATOLI)—Portaun boot Palásiu Prezidensiál Nicolau Lobato, Bairru Pite, Dili, hahú nakloke. Moradór sira hahú forma-aan iha dalan, iha karpet mean nia sorin kuana no sorin karuk, pronto atu simu bainaka importante sira no membru IX Governu ne’ebé atu mai.

Hosi odamatan boot nia oin, hateke ba resintu palásiu laran, hena kór bandeira RDTL-kór mean, kinur, mutin no metan, falun metin tenda iha resintu palásiu prezidensiál sai hanesan “jardin” ba membru IX Governu sira atu simu pose no sai “fatin” ba festa populár (ba povu kbiit laek sira).

Notísia Relevante: PR Horta dekreta lista IX Governu

Resintu palásiu prezidenisál Nicolau Lobato, be orna ba tenda hirak ne’e, fó hanoin fali ba Timor-Leste atu luku Konstituisaun RDTL Artigu 15 (Bandeira Nasionál) iha alinea 2 hateten Kór hirak ne’ereprezenta: “Kinur” reprezenta kolonializmu nia ain-fatin; “Metan” reprezenta nakukun ne’ebé presiza halakon; “Mean” reprezenta funu ba libertasaun nasionál; no “Mutin” reprezenta dame.

Kór bandeira RDTL orna Palásiu PR sai “Jardin” pose ba IX Governu no iha dalan ba palu ensensial ne’e hatuur kuadru Ai-funan felisitasaun be orna ho ai-funan kór oioin, sábadu (01 jullu 2023). Imajen Tatoli/SAntonio Daciparu.

Iha sábadu (01 jullu 2023), iha tuku 14h50 ne’e, maske loron manas, hamriik iha portaun boot nia li’ur hateke ba portaun boot nia leten, haree hetan arku ne’ebé orna ho nuu-tahan knur kesi-metin iha odamatan nia leten no husik nuu-tahan kinur hirak ne’e hanesan hato’o hela “Bem-Vindu” ba membru IX Governu no bainaka espsiál atu tama ba resintu Palásiu Ptrezidensiá Nicolau Lobato nia laran.

Matan ne’e fihin no koko hateke ba laran ho kuidadu, matan ne’e kaer-toman ba dahuluk Ai-Funan Felisitasaun ho kór oioin hosi kompaña, ambaixada sira iha Timor-Leste, be hatuur hosi odamatan hun—hatuur tutuir malu hosi odamatan boot ba to’o palku esensiál ba membru IX Governu atu simu pose

Ne’e tada ida, katak hela sura oras de’it atu VIII Governu Konstitusionál ne’ebé lidera hosi Primeiru-Ministru Taur Matan Ruak atu termina ona mandate, nune’e Governu foun ne’ebé sei mai lideradu hosi Primeiru-Ministru Kay Rala Xanana Gusmão ne’ebé sei simu pose iha fatin Palásiu Prezidensiál Bairru Pité.

Iha dalan atu hakat ba palku leten, hafutar kedan ho karpet mean hodi simu bainaka espesial sira atu asiste no sasin ba serimónia fó pose ba membru IX Governu ne’e. Hateke sai ba palku leten, pelku ne’ebé hatuur iha resintu nia klaran, hatuur loos hasoru odamatan boot ne’e, iha nia leten hatuur ho kadeira be falun ho hena mutin hodi kesi ho laxu kór kinur no iha kadeira liña seluk tan falun ho hena mutin kesi ho laxu kór mean

Kadeira ne’ebé kesi ho laxu kór kinur ne’e sei okupa hosi membru IX Governu ne’ebé sei simu pose no kadeira be kesi ho laxu mean ne’e sei okupa hosi bainaka Verry Verry Important Person (VVIP) no eis titular sira no membru Governu sesante sei tuur iha kotuk.

Iha portaun boot nia oin, iha karpet mean nia ninin sira, hatuur hela kuadu aifuanan felisitasaun 10-resin ne’ebé orna hadulas ho ai-funan kor oioin ne’ebé oferta hosi emprezariu lokal sira be iha kuadru nia lolon marka hela imajen líder Karismatiku Kay Rala Xanana Gusmão nia oin, balun marka ho liafuan “Parabéns IX Governu lideradu Xanana Gusmão”.

La leet la seluk, iha kuadru Ai-funan felisitasaun hirak ne’e oferta hosi kompaña lokál Jova Constraction Unipesoal, Lda, Leokase Unipesoál, Lda, Banku Mandiri, BRI, Salimagu Unipesoál, Lda, Aero Dili no seluk tan.

Kadeira be falun ho hena mutin kesi ho laxu kór kinur prepara ba membru IX Governu no kadeira kór mutin kesi ho laxu kór mean ne’e ba bainaka Verry Verry Important Person (VVIP) no eis titular sira. Imajen Tatoli/SAntonio Daciparu.

Hosi palku mean parte klaran loloos, prepara espesiál ba Primeiru-Ministru foun no membru Governu ne’ebé atu simu pose, iha parte liman loos, hosi liman karuk sei okupa hosi eis titulár, Primeiru-Ministru Sesatnte, Prezidente Parlamentu Nasionál, Prezidente Tribunal Rekursu no bainaka internasionál balun.

Hosi kadeira sir aba hatuur iha kotuk ne’ebá ne’ e sei okupa hosi ukun na’in sira no familia membru Governu foun sira-nian, no tenda tenda rua hosi sorin-sorin—parte liman los sei okupa hosi bainaka espesial hosi estranjeiru, tenda parte liman karuk sei okupa hosi orgaun judisiariu no emprejariu nasionál no internasionál.

Alende tenda tolu ne’e, iha mós tenda rua ne’ebé hatuur iha parte lorosa’e sai fatin ba partisipante baibain sira.

Fatin posse iha resintu Palasiu Prezidensial nakfilak ba fatin espesial be hafutar ho ema rihun ba rihun iha fatin ne’e. Totál tenda iha fatin posse hamutuk lima ne’ebé atu halibur membru Governu foun, bainaka espesiál hosi diáspora, lider istoriku, eis titular no orgaun soberanu sira iha nasaun ida ne’e no povu baibain sira.

Iha tenda boot tolu nia laran haleu mós ho ai-funan fresku ho kór oioin, iha kedan kadeira haat boot liu hotu ne’ebé sei okupa hosi Prezidente Repúblika, Prezidente Parlamentu Nasionál, Primeiru Ministru no Prezidente Tribunal Rekursu.

Iha tenda espesial nia kotuk okupa kedan hosi mídia nasionál kompostu hosi jornalista liu ema na’in-100-resin be hafutar ho kamera oioin ne’ebé atu halo dokumentasaun ba tomada de posse ne’e, hodi fó sai ba internasionál.

Kuadru Ai-funan felisitasaun ne’ebé oferta hosi kompañia lokál no Embaixada sira iha Timor-Leste. Imajen Tatoli/António Daciparu.

Aleinde mídia nasionál, partisipa mós hosi mídia lubun balun hosi tasi-balun be hetan hotu konvite espesial atu halo kobertura ba atividade importante ne’e, mídia internasionál hirak ne’e mak Kompas TV, Metro TV no seluk tan.

Iha resintu Palasiu nia laran infeta haleu mós ho bandeira hosi nasaun internasionál sira ho nia sinal Timor-Leste sai belun ho nasaun hotu iha mindu.

Serimonia importante ne’e marka tan istoria ba Timor-Leste kada tinan lima, basa ne’e hakerek ona iha livru lulik be hanaran Konstituisaun RDTL ne’ebé aprova iha deputadu primeira lejisltura primeiru iha 2002 ba kotuk.

Tomada de posse ne’e konsideradu hanesan festa popular ne’ebé diferensa ho pose sira tinan lima ba kotuk, tanba Prezidente Repúblika halibur hotu komunidade baibain sira hanesan negosiante, peskadór no ema kbiit laek sira-ne’ebé kada loron moris de’it hili kalen aat iha lixeira Tibar-Liquiça.

Resintu no jardin sira iha Palasiu Prezidente sei ofrese ba komunidade sira ne’ebé hakarak partisipa. Iha laran komisaun prepara mós ai-han iha tenda kiik parte liman loos nian ho ai-han furak oioin.

Iha mós palku muzika ne’ebé hatur iha parte liman karuk hosi sikun lorosa’e nian ne’ebé sei sai fatin ba múziku sira atu hananu hodi fó ksolok ba ema w’ain ne’ebé partisipa iha eventu ne’e.

Ajenda prinsipal ba posse ne’e sei hala’o tuku 14h00 lorokraik to’o remata, maibé antes hakat ba oras ne’ebé termina, populasaun babain, negosiante balun, hakat hakbesik ba Palásiu Prezidensiál NIcolau Lobato, Bairru Pité, atu asiste direta serimónia simu pose ne’e.

“Hanesan povu ida, ha’u kontente bele tama iha fatin importante ida-ne’e hodi asiste tomada de pose ba Governu ne’ebé sei lidera hosi avo Nana,” Vendedór Sigaru no Pulsa, João Mendonça hateten ba Agência Agência Tatoli iha Palasiu Prezidensial Nicolau Lobato, Bairru Pité, Dili, sábadu ne’e.

Nia dehan, hare hosi atetude ne’ebé mak Prezidente Repúblika halo di’ak tebes no la husik ema ida iha hamriik iha kotuk, nune’e nia tau metin esperansa ba Governu foun tenke tau matan ba komuniade kbiit laek sir- ne’ebé mak sei moris iha terus no susar nia laran.

Iha fatin hanesan, Januario Tito hanesan labarik ne’ebé lakohi lakon oportuniade ne’e hakarak hiit aan tama iha resintu Palasiu Prezidensial hodi asiste festa ne’e, no espresa ninia sentimentu haksolok tanba avo Nana fila ba ukun.

“Ha’u hela iha Bebora. Ha’u hare labarik barak tama mai fatin ne’e, ha’u mós hakarak mai. Avo Nana mak agora ukun, ha’u sente kontente. Kontente tanba Avo nana ne’e hadomi ema hotu liu-liu ami labarik sira,” nia dehan.

Xanana Gusmão sai Primeiru-Minsitru

Tuir publikasaun jornál repúblika ne’ebé Agência TATOLI asesu, ohin, haktuir Konstituisaun Repúblika Demokrátika Timor-Leste iha númeru 1 artigu 106, atribui ba Prezidente Repúblika kompeténsia, hafoin rona partidu polítiku ne’ebé sai vensedór iha eleisaun parlamentár 2023.

Prezidente Repúblika tuir termu alínea d), artigu 85 konstituisaun dekreta ho efeitu hahú 30 juñu 2023 hodi nomea:

1) Primeiru Ministru, Kay Rala Xanana Gusmão.

Nune’e mós, Prezidente Repúblika liuhosi dekretu númeru 59/2023, 30 juñu, tuir konstituisaun  termu númeru 1 no númeru 2 artigu 106, atribui ba Prezidente Repúblika kompeténsia hanesan mós órgaun seluk, hodi nomea, fó pose no ezonera membru Governu sira bazeia ba proposta Primeiru-Ministru, nune’e dekreta;

2) Vice-Primeiro Ministro e ministro Assuntos Económicos e Desenvolvimenta e ministro Turismo Ambiente, Francisco Kalbuadi Lay (CNRT).

3) Vice-PM e ministro coordenador Assuntos Desenvolvimento Rural, Mariano Assanami

Sabino (PD).

4) Ministro Presidencia do Conselho de Ministros, Agio Pereira (CNRT).

5) Ministra Finanças, Santina Viegas Cardoso (CNRT).

6) Ministro Negócios Estrangeiros, Bendito Freitas (CNRT).

7) Ministro Justiça, Amandio Benevides (CNRT).

8)Ministro Administração Estatal, Tomas Cabral (CNRT).

9) Ministra Saude, Elia Amaral (CNRT).

10) Ministra Educação, Dulce Soares (CNRT).

11) Ministro Ensino Superior, Ciência e Cultura, Jose Honorio da Costa Geronimo.

12) Ministro Assuntos Combatentes da Libertação Nacional, Gil da Costa Monteiro ‘Oan Soro’ (CNRT).

13) Ministro Obras Publicas, Samuel Marçal (CNRT).

14) Ministro Transportes e Telecomunicações, Miguel Manetelu Marques (CNRT).

15) Ministro Comercio e Indústria, Filipus Nino Pereira (PD).

16) Ministro Agricultura, Pecuaria, Pescas e Florestas, Marcos da Cruz (CNRT).

17) Ministro Defesa, Pedro Klamar Fuik (Independente).

18) Ministro Petroleo e Recursos Minerais, Francisco Monteiro (CNRT).

19) Ministro Interior, Francisco Guterres (CNRT).

20) Ministra Solidariedade Social e Inclus&o, Ver6nica das Dores (CNRT).

21) Ministro Juventude, Desporto, Arte e Cultura, Nelio Isaac (CNRT).

22) Ministro do Investimento Estrategico, Gastão de Sousa, (PD).

Vise Ministru sira

23.) Vice-ministro dos Assuntos Parlamentares, Aderito Hugo da Costa (CNRT).

24.) Vice-ministro das Finanças, Helder Lopes (CNRT).

25.) Vice-ministra para os Assuntos da ASEAN, Milena da Costa Rangel.

26,) Vice-ministro Assuntos de Fortalecimento Institucional, Paulo Remedios (CNRT)

27.) Vice-ministro Saude, Jose dos Reis Magno (CNRT).

28.) Vice-ministro Infraestruturas, Julio do Carmo.

29.) Vice-ministro Administração Estatal, Jacinto Rigoberto (CNRT).

30.) Vice-ministro Comercio, Augusto Trindade (PD).

31.) Vice-ministra Solidariedade Social e Inclusão, Céu Brites (Independente).

32.) Vice-ministra Saude para a Operasionaliazação dos Hospitais, Flavio Brandão (PD).

Sekretáriu Estadu sira

33.) Secretaria de Estado da Igualdade, Elvina de Sousa Carvalho.

34.) Secretario de Estado da Comunicação Social, Expedito Dias Ximenes (Independente).

35.) Secretario de Estado Terras e Propriedades, Jaime Xavier Lopes.

36.) Secretario de Estado do Ensino Secundario, e Escolas Tecnicas, Domingos Lemos Lopes.

37.) Secretario de Estado da Eletricidade, Agua e Saneamento, Santos Noronha.

38.) Secretario Estado da Arte e Cultura, Jorge Soares Cristóvão.

39.) Secretario Estado das Pescas, Domingos dos Santos da Conceição (CNRT).

40.) Secretaria de Estado da Pecuaria, Jose Vieira de Araújo.

41,) Secretario de Estado das Florestas, Ferdinando Vieira (PD).

42.) Secretario de Estado das Cooperativas, Arsenio Pereira da Silva (CNRT).

43.) Secretario de Estado Politica Formação Profissional e Emprego, Rogerio Araujo Mendonça (CNRT).

44.) Secretario de Estado do Desenvolvimento Rural, Mateus dos Santos Talo.

45.) Secretario de Estado dos Assuntos de Toponimia e Organisçao Urbana do MAE, Germano Santa Brites Dias.

46.) Secretario de Estado da Proteção Civil, Mariano Reis.

47.) Secretario de Estado dos Veteranos, Cesar da Silva dos Santos Merak.

Hosi lista membru Governu ne’ebé Prezidente Repúblika, José Ramos Horta, dekreta ne’e kompostu hosi mane hamutuk na’in-40 no feto hamutuk na’in-hitu (7).

Tuir ajenda Primeiru Ministru ho nia membru IX Governu konstituisional sei simu pose hosi Prezidente Repúblika iha Palásiu Prezidensiál Nicolau Lobato, Bairru Pite iha tuku 16h00 lorokraik.

Programa balun hosi Governu ida-ne’e atu implementa

Programa IX Governo sai hanesan instrumentu polítiku ida, ba tinan lima, ne’ebé reflete aspirasaun povu Timor-Leste nian no mós fó sai medida prioritária ba dezenvolvimentu sustentavel, hanesan define ona iha ‘Planu Estratégiku Dezenvolvimentu 2011-2030’.

Kuadru Ai-funan felisitasaun ne’ebé oferta hosi kompañia lokál no Embaixada sira iha Timor-Leste. Imajen Tatoli/António Daciparu.

Ezekutivu ida-ne’e, durante nia mandatu, sei kontinua kontribui ba transforma Timor-Leste, país ida-ne’ebé iha rendimentu ki’ik ba país ida ho rendimentu médios-altos, país iha ne’ebé populasaun moris iha seguransa nia laran no saudável, instruída no próspera.

Programa Governu nian inkorpora (katak, tau mós) roteiru (dalan) ne’ebé Timor-Leste define tiha ona atu kumpre (ka implementa) “Ajenda 2030 ba Dezenvolvimentu Sustentável, hosi Nasaun Unida”,  ninia meta ho prioridade ho “Objetivus Dezenvolvimentu Sustentável (ODS)”, atu bele atinje progreu sira-ne’ebé konkretu ba dezenvolvimentu sustentavel.

Ajenda Global ida-ne’e iha 17 ODS, ne’ebé buka hatán ba nesesidades emar-nian, hodi realsa katak labele iha ema ida-ne’ebé husik hela iha kotuk, atu garante futuru ne’ebé di’akliu ba timoroan sira hanesan ba mundu tomak.

Timor-Leste mós asume tiha ona kompromisu polítiku ba implementasaun Ajenda ida-ne’e no Timor-Leste envolvidu tebe-tebes iha inkluzaun (ka atu hatama) “Objectivu 16 – Paz, Justisa no Instituisaun efikaz, responsáveis no inkluziva, iha nível hotu-hotu”, tanba Timor-Leste hatene katak, se la iha paz, justisa no instituisaun forte no efikaz, difísil tebe-tebes atu implementa objetivu sira seluk, ne’ebé indispensável ba dezenvolvimentu sustentavel.

Jornalista : Hortencio Sanchez

Editór        : Cancio Ximenes

 

iklan
iklan

Leave a Reply

iklan
error: Content is protected !!