iklan

COVALIMA, INKLUZAUN SOSIÁL

Vítima dezastre naturál Zulo provizóriu hela iha lona okos

Vítima dezastre naturál Zulo provizóriu hela iha lona okos

Vítima dezastre naturál iha Zulo provizóriu hela iha lona okos. Imajen Tatoli/Celestina Teles.

COVALIMA, 08 jullu 2023 (TATOLI)—Vítima Dezastre Naturál ho tipu erosaun iha suku Zulo,postu Zumalai, munisípiu Covalima. ne’ebé molok ne’e autoridade Covalima halo evakuasaun ba sentru evakuasaun ba iha Eskola Tékniku Vokasionál Zumalai ne’e, iha vitima balun provizóriu sei hela iha lona okos, hodi hein apoiu materiál rekoperasaun hosi Governu.

Notísia Relevante:  Saúde Covalima apoia inan isin-rua vítima dezastre narurál iha Zulo

Vítima dezastre naturál provizóriu ita orienta sira haree fatin hodi haree baraka iha fatin ne’ebé seguru hela iha lona okos hodi hein prosesu hosi Governu liuhosi Ministériu kompetende mak iha responsabilidade,” Xefe suku Zulo João Lopes de Carvalho, hateten ba Agência Tatoli, iha resintu eskola Tékniku Vokasionál Zumalai, sesta ne’e.

Vítima dezastre narurál ne’ebé autoridade evakua ba sentru evakuasaun iha eskola Tékniku Vokasionál Zumalai iha loron 7 fulan-jullu, autoridade Covalima haruka fila ona ba ida-idak nia rezidénsia ne’ebé provizóriu sira sei hela iha lona okos hodi hein apoiu hosi Governu.

Diretór Servisu Munisipal Protesaun Sivil Jestasaun Risku Dezastre Naturál, Quintino da Costa, hateten vítima sei hela iha fatin ne’ebé seguru no sei la akontese ona erosaun.

Dadus vítima Dezastre Naturál hosi Postu Zumalai, hosi aldeia Lale, Obukmil no Leogol ne’e iha  Xefi família hamutuk 162, no hosi númeru ne’e uma hamutuk komunidade 54 mak tama iha kategória aat totál.

Tuir observasaun Agência Tatoli nota iha terrenu katak, vítima sira evakua ba sentru evakuasaun iha eskola Tékniku Vokasionál Zumalai to’o vítima sira-nia rezidénsia hetan apoiu emerjénsia hosi Autoridade Protesaun Sivil, Servisu Munisipál Protejasaun Sivil Jestaun Risku Dezastre Naturál, Cruz Vermella Timor-Leste (CVTL) no Organizasaun Internasionál sira.

Aleinde vítima dezastre naturál ho tipu erosaun iha suku Zulo, hetan apoiu emerjénsia hosi parte ekipa Servisu Emerjénsia Médika (SEM) Covalima hala’o tratamentu jerál ba vítima no mós hetan vitizita hosi Sekretáriu Estadu Protesaun Sivil.

Notísia Relevante: MOP sei normaliza estrada kotu iha Zulo-il Lontas

Jornalista : Celestina Teles

Editór       : Cancio Ximenes.

iklan
iklan

Leave a Reply

iklan
error: Content is protected !!