DILI, 24 jullu 2023 (TATOLI)—Governu liuhosi reuniaun extraordinária Konsellu Ministru (KM), segunda ne’e, aprova ona projetu dekretu-lei kona-ba estrutura Orgánika IX Governu Konstitusionál.
“Estrutura orgánika IX Governu Konstitusionál define atribuisaun ne’ebé hala’o hosi Ministériu ida-idak no atribui kompeténsia ba membru Governu, tuir prioridade ne’ebé hatuur ona iha ninia programa,” refere nota ne’ebé Agência Tatoli asesu, hafoin reuniaun ezekutivu ne’e, iha Palásiu Governu, segunda ne’e.
Notísia relevante : Xanana defende orsamentu bazeia ba programa hodi labele gasta osan arbiru
Governu ne’e konstitui hosi Primeiru-Ministru, Vise-Primeiru-Ministru, Vise-Ministru no Sekretáriu Estadu.
Governu integra Vise-Primeiru-Ministru rua mak hanesan:
Vise-Primeiru-Ministru, Ministru Koordenadór Asuntu Ekonómiku no Ministru Turizmu no Ambiente,
Vise-Primeiru-Ministru, Ministru Koordenadór Asuntu Sosiál no Ministru Dezenvolvimentu Rurál no Abitasaun Komunitária.
Ministru sira mak hanesan :
- Ministru Prezidénsia Konsellu Ministru,
- Ministru Finansa,
- Ministru Negósiu Estranjeiru no Kooperasaun,
- Ministru Justisa,
- Ministru Administrasaun Estatál,
- Ministru Saúde,
- Ministru Edukasaun,
- Ministru Ensinu Superiór e Siénsia,
- Ministru ba Asuntu Kombatente Libertasaun Nasionál,
- Ministru Obra Públika,
- Ministru Transporte no Komunikasaun,
- Ministru Komérsiu no Indústria,
- Ministru Agrikultura, Pekuária, Peska no Floresta,
- Ministru Defeza,
- Ministru Petróleu no Rekursu Minerál,
- Ministru Interiór,
- Ministru Solidariedade Sosiál no Inkluzaun,
- Ministru Juventude, Desportu, Arte no Kultura,
- Ministru Planeamentu no Investimentu Estratéjiku.
Ministru balun, bainhira hala’o sira-nia funsaun sei hetan tulun hosi Vise-Ministru no Sekretáriu Estadu hanesan :
- Ministru Prezidénsia Konsellu Ministru sei hetan tulun hosi Vise-Ministru Asuntu Parlamentár, Sekretáriu Estadu ba Komunikasaun Sosiál no Sekretária Estadu Igualdade,
- Ministru Koordenadór Asuntu Ekonómiku, sei hetan tulun hosi Sekretáriu Estadu Formasaun Profisionál no Empregu no hosi Sekretáriu Estadu Kooperativa,
- Ministra Finansa sei hetan tulun hosi Vise-Ministru Finansa,
- Ministru Negósiu Estranjeiru no Kooperasaun, sei hetan tulun hosi Vise-Ministra ba Asuntu ASEAN,
- Ministru Justisa, sei hetan tulun hosi Vise-Ministru ba Fortalesimentu Institusionál no Sekretáriu Estadu Terra no Propriedade,
- Ministru Administrasaun Estatál, sei hetan tulun hosi Vise-Ministru Administrasaun Estatál, Sekretáriu Estadu Asuntu Toponímia no Organizasaun Urbana no Sekretáriu Estadu Dezenvolvimentu Komunitáriu,
- Ministra Saúde, sei hetan tulun hosi Vise-Ministru ba Fortalesimentu Institusionál Saúde no Vise-Ministru ba Operasionalizasaun Ospitál,
- Ministra Edukasaun, sei hetan tulun hosi Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál,
- Ministru Asuntu Kombatente Libertasaun Nasionál, sei hetan tulun hosi Sekretáriu Estadu Veteranu,
- Ministru Obra Públika, sei hetan tulun hosi Vise-Ministru Infraestrutura no Sekretáriu Estadu Eletrisidade, Bee no Saneamentu,
- Ministru Komérsiu no Indústria sei hetan tulun hosi Vise-Ministru Komérsiu,
- Ministru Agrikultura, Pekuária, Peska no Floresta sei hetan tulun hosi Sekretáriu Estadu Peska, Sekretáriu Estadu Pekuária no Sekretáriu Estadu Floresta,
- Ministru Interiór, sei hetan tulun hosi Sekretáriu Estadu ba Protesaun Sivíl,
- Ministra Solidariedade Sosiál no Inkluzaun, sei hetan tulun hosi Vise-Ministra Solidariedade Sosiál no Inkluzaun,
- Ministru Juventude, Desportu, Arte no Kultura, sei hetan tulun hosi Sekretáriu Estadu Arte no Kultura.
Iha biban hanesan, ezekutiva sira halo analiza aprezentasaun hosi Ministériu Finansa kona-ba projetu proposta lei ba alterasaun dahuluk ba lei númeru 15/2022 loron 21 dezembru kona-ba Orsamentu Jerál Estadu tinan 2023 no ba lei númeru 2/2022 loron 10 fevereiru kona-ba enkuadramentu Orsamentu Jerál Estadu no Jestaun Finanseira Públika.
Jornalista : Antónia Gusmão
Editora : Julia Chatarina
