PNTL Covalima seidauk estabelese KPK iha suku 14
COVALIMA, 28 setembru 2023 (TATOLI)—Komandante PNTL Munisípiu Covalima, Superintendente Polísia Calisto Gonzaga, hateten komandu Polísia Nasionál Timor-Leste (PNTL) Covalima seidauk estabelese Konsellu Polísia Komunitáriu (KPK) iha suku 14.
“Ita seidauk estabelese Konsellu Polísia Komunitáriu (KPK) iha suku 14, tuir loloos ha’u estabelese hotu ona maibé ha’u sei hein xefe suku foun eleitu mak ha’u foin kompleta estabelese membru KPK iha suku sira,” Superintendente Polísia Calisto Gonzaga hateten ba jornalista sira iha resintu salaun Canosa, kinta ne’e.
Nia hateten, razaun seidauk kompleta hodi estabelese KPK iha suku tanba iha nasionál sei hala’o leitura kona-ba KPK sai dekretu-ida no regulamentu atu orienta
“Dekretu-ida no sai regulamentu atu orienta ita no atu sai hanesan matadalan ba ita, nune’e membru KPK bele konsidera hanesan subsídiu ruma ba sira no papel tenke klaru, sira hamutuk OPS buat hotu tuir regumentu,” nia dehan.
Iha prosesu sai dekretu-ida ba KPK la’ós iha nivél suku de’it, maibé estabelese iha nivél munisípiu bolu konsellu seguransa munisipál no tenta ba iha nivél postu to’o iha nivél suku.
Sidadaun ne’ebé atu sai Membru KFP bazeia ba esperiénsia barak di’akliu maibé pelumenus grupu balun iha suku hanesan Juventude feto, veteranu kuaze na’in-15 reprezenta hosi nivél suku, lei no enkuadramentu loos ona no eleisaun xefe suku eleitu xefe suku foun.
Munisípiu Covalima iha nia postu administrativu sira hanesan Fatululik, Fatumea, Fohorem, Tilomar, Maucatar, Suai no Zumalai ho nia suku 30 no aldeia 148.
Antes ne’e, iha loron 31 agostu 2023, Komandu Polísia Nasionál Timor-Leste partilla informasaun oinsá atu prevene konflitu ba xefe suku ho nia estrutura sira, hosi suku Beco, Camanasa, Debos, Suai Loro no Labarai, hosi postu Administrativu suai, munisípiu Covalima.
PNTL partila informasaun foku prevensaun konflitu ba xefe suku ho nia estrutura ne’ebé kada suku reprezenta ema na’in-10 ne’ebé fó prióridade ba postu administrativu Suai.
Jornalista : Celestina Teles
Editór : Cancio Ximenes
