Top

Bankada FRETILIN husu Governu halo pagamentu ba dívida iha ospitál rai-li’ur

Deputadu Bankada FRETILIN, Óscar Lima. Imajen Tatoli/António Daciparu.

DILI, 02 outubru 2023 (TATOLI)—Deputadu hosi bankada opozisaun Frente Revolucionária de Timor Leste Independente (FRETILIN) iha Parlamentu Nasionál (PN), Oscar Lima, husu Governu atu halo pagamentu ba dívida iha ospitál rai-li’ur.

“Iha Malázia ita-nia maluk veteranu sira barak tebes mak moras iha hela ospitál rua ka tolu iha Malázia, parese ita rona ita nia pagamentu seidauk la’o normál. Ha’u hanoin, ida-ne’e afeta ba ita-nia nasaun, nune’e presiza toma atensaun,” Deputadu Oscar Lima levanta kestaun ne’e liuhosi reuniaun plenária PN, segunda ne’e.

Deputadu ne’e kongratula Serbisu Embaixadora no diplomata sira iha Malázia hala’o serbisu ho di’ak tebes.

Antes ne’e, Prezidente Komisaun F trata asuntu Saúde iha Parlamentu Nasionál, Deputada Maria Gorumali Barreto, husu Governu liuhosi Ministériu Saúde atu tau atensaun selu dívida ba ospitál sira iha rai-li’ur, ne’ebé durante ne’e Governu haruka pasiente sira ba hala’o tratamentu saúde.

Vise Ministru ba asuntu Parlamentár, Adérito Hugo da Costa, hateten kona-ba dívida iha ospitál sira iha rai-li’ur hanesan Malázia no Singapura, parte IX Governu Konstitusionál hosi inísiu halo levantamentu ne’e Timor-Leste iha dívida kuaze millaun $5 no osan aloka ona iha Ministériu Saúde agora atu halo pagamentu ba dívida sira-ne’ebé eziste.

Jornalista : Nelson de Sousa

Editór        : Cancio Ximenes

Publisidade

Leave a Reply

Latest Post

error: Content is protected !!