JUSTISA, COVALIMA

Tribunál aplika prizaun preventiva ba arguidu DS-HN-CP envolve kazu Lourba

Tribunál aplika prizaun preventiva ba arguidu DS-HN-CP envolve kazu Lourba

PNTL Covalima transporta arguidu na’in-tolu envolve iha kazu Lourba-Bobonaro ba prizaun Suai, tersa (21 novembru 2023). Imajen Tatoli/Celestina Teles.

COVALIMA, 21 novembru 2023 (TATOLI)—Tribunál Primeira Instánsia Distritál Suai (TDS) hala’o leitura despaixu Primeiru Interogatóriu Judisiál hodi aplika medida koasaun prizaun preventiva ba arguidu ho inisiál DS, HN no CP ne’ebé envolve iha kazu Lourba.

Notísia Relevante: Kazu Lourba-Carabau, PNTL identifika ona autór na’in-15

Audiénsia Julgamentu ne’e prezide hosi juis, Hugo Pui, reprezentante hosi Ministériu Públiku (MP), Rafael Jerónimo Gusmão, no Arguidu hetan asisténsia legál hosi Defensór Públiku, Manuel Amarál no Domingos dos Santos.

Hafoin rona despaixu, tribunal aplika prizaun preventiva ba arguidu na’in-tolu no hosi parte investigasaun lori kedas ba Estabelesimentu Prizaun Suai.

Audiénsia julgamentu Tribunál aplika medida koasaun prizaun preventiva ba arguidu na’in-tolu ho inisiál DS, HN no CP, tanba kondidera komete kazu inséndiu ne’ebé previstu iha kógidu penál artigu 263, komete krime danu agravadu previstu iha kódigu penál artigu 259 no komete krime danu com violénsia ne’ebé previstu iha kódigu penál artigu 260.

Durante prosesu buska parte investigasaun kaptura arguidu na’in-16 no hosi númeru ne’e arguidu na’in-tolu aplika medida koasaun prizaun preventiva no na’in-13, aplika medida koasaun Termu Rezidénsia (TIR).

Kazu ne’e akontese, iha suku Lourba, postu administrativu Bobonaro, munisípiu Bobonaro, iha kinta (02 novembru 2023) liuba ne’e.

Jornalista : Celestina Teles

Editór         : Cancio Ximenes

iklan
iklan

Leave a Reply

iklan
error: Content is protected !!