Estatutu Ataúro hanesan autoridade munisipál no sei iha FEDA
DILI, 06 dezembru 2023 (TATOLI)—Ministru Administrasaun Estatál (MAE), Tomás do Rosário Cabral, hateten Ataúro nia estatutu hanesan mós Autoridade Munisipal sira-ne’ebé mak sei iha Prezidente na’in-ida no mós sei iha Fundu Espesiál ba Dezenvolvimentu Ataúro (FEDA).
Notísia Relevante: Governu sei muda estatutu munisípiu Ataúro sai rejiaun
“Administrasaun Ataúro nia estatutu hanesan autoridade munisipál sira. Iha sekretáriu munisipál na’in-tolu no tempu badak ha’u sei instala iha Ataúro. Iha tan Fundu Espesiál ba Dezenvolvimentu Ataúro, ne’e iha sekretariadu ida mak kaer,” Ministru Tomás Cabral hateten iha konferénsia nasionál no selebrasaun PNDS ba dala-10, iha Sentru Konvensuan Dili (CCD, sigla portugés), tersa (05 dezembru 2023) ne’e.
iha Sentru Konvensaun Dili (CCD-sigla Portugés).
Nia hateten, Fundu Espesiál Dezenvolvimentu Ataúro (FEDA) ne’e bele fasilita Grande Projetu sira iha Ataúro.
Maibé, nia hateten, Dekretu-Lei ne’e foin aprova ne’ebé kria diploma ida, nune’e ema na’in hira mak atu ba no tenke iha akordu inter-órganika ministériu sira.
“Nune’e tenke iha legalidade ona servisu ba iha ne’ebá hosi halo pagamentu pensaun sosiál, halo pasaporte iha ne’ebá, nune’e sira labele mai iha Dili. Tanba ne’e, atu iha janeiru 2024 (tinan oin) ne’e sei implementa,” nia dehan.
Notísia Relevante: PN aprova FEDA millaun $13 garente povu Ataúro nia moris di’ak
Jornalista : Osória Marques
Editór : Cancio Ximenes
