PR Horta tesi fita Jack’s nia retallu iha CBD10 Timor Plaza

DILI, 15 dezembru 2023 (TATOLI)–Prezidente Repúblika (PR), José Ramos Horta, hamutuk ho Diretór Jestaun empreza Dili Development Lda, Tony Jape, Diretor Jestaun Jack, Dilip Khatri, sesta ne’e tesi fita ba Jack’s Timor-Leste nia retallu.

“Parabéns ba Timor Plaza no Jack’s ne’ebé estabelese edifísiu foun ida-ne’e. Edifísiu ne’e estratéjiku tebes, tanba ne’e sei atrai ema hodi vizita,” Xefe Estadu hateten molok tesi fita ba loja Flagshop, ne’ebé lokaliza iha CBD10 Timor Plaza, Dili Sentrál, sesta ne’e.

Iha biban hanesan, Diretór Jestaun Jack’s, Dilip Khatri, hateten, Timor-Leste ofisialmente loke nia odamatan ba povu hodi uza era foun ida-ne’ebé di’ak liu iha área retallu.

Nia konta katak, iha tinan 1969 harii iha Fiji, Jack nia retallu harii ona reputasaun ne’ebé di’ak hanesan retallu jigante ho loja 48 iha rai Fiji no habelar ninia alkansa ba Papua Nova Guiné iha tinan 2015 hodi hala’o loja neen ne’ebé hetan susesu.

Notísia relevante : TL sei sai uma na’in ba forum internasionál negósiu

“Agora, marka ne’e haree katak ema timor-oan sira-nia laran-kbiit boot liu husi sira-nia sakrifísiu oin-oin iha forma, desportu, asesoria no bonita,” nia akresenta.

Diretór dehan, serimónia abertura boot ne’e la’ós de’it hanesan selebrasaun ba retallu prémiu maibé mós marka dezenvolvimentu ba konseitu loja iha loja rua ne’ebé interesante mak XL Sports no baby Jacks. Marka hirak-ne’e, sinóniku ho kualidade no inovasaun, promete atu hasa’e esperiénsia kompra ba rezidente Timor-Leste sira.

“Ami kontente atu lori Jack nia retallu ba Timor-Leste hodi kontribui la’ós de’it ba retallu rai-luan maibé mós ba komunidade lokál, liuhosi kriasaun empregu no dezenvolvimentu ekonómiku. Ita-nia kompromisu la’ós de’it atu halo komérsiu, ne’e mak atu haburas relasaun ne’ebé metin ho povu ne’ebé ita serbí,” Dilip Khatri espresa.

Eventu lansamentu ne’e reflete dedikasaun husi Jack Retail PTE Limited hodi sai forsa pozitivu iha Timor-Leste, hodi fó atensaun ba envolvimentu komunidade no kresimentu ekonómiku. No sei fornese produtu ho kualidade no partisipa ativamente iha inisiativa sira ne’ebé hasa’e no haforsa populasaun lokál sira.

Ho loja ne’ebé ofisialmente loke, Timor-Leste agora bele hetan esperiénsia kompra ne’ebé la hanesan, ne’ebé Jack nia retallu hetan naran-boot. Marka ne’e hein atu sai parte integradu hosi komunidade Timor-Leste promove relasaun no kontribui ba prosperidade nasaun.

Bainhira Jack nia retallu PTE Limited hahú viajen ida-ne’e iha Timor-Leste, nia afirma fali ninia kompromisu atu fornese la’ós de’it produtu sira, maibé esperiénsia retallu imersivu ida-ne’ebé korresponde ho moris di’ak iha espíritu Timor-Leste.

Detallu badak kona-ba Jack nia PTE Retail Limited

Jack nia Retail PTE Limited harii iha tinan 1969 iha Fiji, nu’udar marka retallu ne’ebé lidera ho istória riku hodi fornese produtu ho kualidade no esperiénsia kompras esepsaun.

Ho kompromisu ba envolvimentu komunitáriu no dezenvolvimentu ekonómiku, retallu ne’e ninia objetivu mak atu fó impaktu pozitivu iha merkadu hotu ne’ebé nia tama. Loja Timor- Leste marka kapitulu tuirmai iha Jack nia viajen retallu hodi lori produtu no servisu oinoin ba komunidade lokál sira.

Jornalista     : Antónia Gusmão

Editora          : Julia Chatarina