iklan

NASIONÁL, SAÚDE

Nidia Correia hetan estigmasaun hosi kolega bainhira hetan moras lepra

Nidia Correia hetan estigmasaun hosi kolega bainhira hetan moras lepra

Moras Lepra. imajen Google

DILI, 02 fevereiru 2024 (TATOLI)–Nadia Correia hetan moras iha 2019 ho moras lepra kuandu ho idade tinan 16 senti no haree hena mutin iha nia oin no mean, maske moras ne’e la’ós jénetiku hosi familia no hetan estigmasaun hosi kolega sira.

Notísia Relevante: MLTL iha profisionál saúde treinadu atende moras lepra

Nia kosnege halo tratamentu tradisional hanesan hemu aimoruk liuhosi nono ai-tahan no kulit sira hodi hemu no haris maibé la lakon no labele kura moras ne’e, entaun nia deside kura ho aimoruk tradisional no hemu aimoruk ospital nian nian iha Ospitál Referál Baucau, ne’ebé rezulta sai defisiénsia matan.

“Aimoruk tradisionál ha’u pernah hemu no hodi haris maibé ladi’ak. Ha’u hahú hemu aimoruk ospitál nian tanba hemu ne’e ho durasaun kle’ur. Ha’u hemu to’o ha’u nia matan labele haree (hetan defisiénsia matan). Entaun, ha’u ba fali hemu aimoruk ospitál dala ida tan. Primeiru, ha’u halo tratamentu tinan ida hemu aimoruk, maibé kutun kontinua iha entaun hemu fulan neen. Agora di’ak ona,” Nadia Correia haktuir ba Agência Tatoli iha Bemori, sesta ne’e.

Hetan estigmasaun hosi sosiedade hanesan kolega eskola sira, nia hatán, kolega sira-ne’e antes di’ak no liga nia maibé kolega sira-ne’e hatene tiha katak nia hetan nia moras lepra, kolega sira-ne’e la’o dook hosi nia hodi hakotu amizade ne’ebé sira kria iha tempu naruk nia laran.

“Estigama iha familia ha’u la sente, maibé hosi sosiedade ne’e iha. Ezemplu, kolega di’ak sira iha eskola, tanba sira haree ha’u halo tratamentu hemu aimoruk ho efeitu oin metan, sira la besik ona ha’u hanesan baibain. La liga ona ha’u, tanba tauk ha’u-nia moras ne’e da’et ba sira,” nia dehan.

Maibé, nina família mak sai nia forsa tanba familia fó apoiu ba nia moras ne’e no enkoraja nia atu luta kontra hasoru moras lepra ne’e, tanba ida-ne’e hanesan realidade ida ba ema ida-idak nia moris.

Nia apela ba ema hotu atu sente sintoma mak mosu hena mutin no mean, tenke hakbesik aan ba iha fasilidade saúde (ospitál) atu bele halo diagnosa ba sira-nia moras liuliu lepra, tanba moras bele kura kuandu halo tratamentu rutina tuir indikasaun médiku espesialista sira.

Ananias Araújo

Iha fatin hanesan, Ananias Araújo mós konta sai nia moras hanesan ema moras lepra iha tinan 2015 ne’ebé nia liu ona iha momentu ne’ebá.

“Ha’u hetan moras ne’e iha 2015, iha ain maten maibé lahatene moras lepra ne’e saída. Maibé, ha’u iha sinál lepra iha kotuk laran hena mutin no mean. Maibé, ha’u la haree no sente moras. Ha’u halo tratamentu ba tradidional maibé ladiak nafatin,” nia konta tuir ba Agência Tatoli.

Ananias de Araújo relata sintoma ne’ebé nia sente mak hanesan isin-manas no forsa laiha, entaun nia hakbesik aan ba klinika Bairru Pite, Dili, hodi konsulota noa hasai raan ho nia rezulatdu ne’e doutór sira deteta moras ne’e.

Ananias deside, iha momentu ne’eba hahú hemu aimoruk rutina, tanba doutór Daniel Murphy koko no enkoraja atu labele tauk tanba moras ne’e bele kura, maibé se lahalo tratamentu rutina mak bele hetan defisiénsia ba isin lolon sira-ne’e.

“Ha’u sente kura totál, ha’u-nia kulit sente mihis ba beibeik. Ha’u hakfodak, bainhira ba soe bee-boot ne’e kór diferensa loos mak kór kinur no mean, maibé doutor dehan ne’e efeitu hosi hemu aimoruk no hamate ona kutun balun iha isin-lolon,” nia dehan.

Husu kona-ba hetan estigmasaun iha sosiedade no família, nia hateten, nia la sente estigmasaun hosi ema ida tanba nia moras la hatudu sintoma moras lepra ne’ebé avansadu iha nia aparensia fízika.

Maske nia hatene moras lepra ne’e ladi’ak maibé kuandu nia halo tratamentu sei iha faze inisiál, tanba ema tauk no halo estigmasaun ba ema moras lepra ne’e, kuandu nia sintoma mosu makaas iha isin-lolon.

Nadia Correia no Ananias de Araújo agora halo hela servisu voluntáriu iha Asosiasaun Ema Afetada Lepra Timor-Leste hodi ajuda fali maluk sira-ne’ebé mak agora iha kondisaun moras lepra.

Jornalista : Jesuína Xavier

Editor       : Cancio Ximenes

iklan
iklan

Leave a Reply

iklan
error: Content is protected !!