iklan

EDUKASAUN

Komunidade okupa arredór Eskola EBC 10 Dezembru prejudika prosesu aprendizajen

Komunidade okupa arredór Eskola EBC 10 Dezembru prejudika prosesu aprendizajen

Ne’e mak atividade komunidade ne’ebé durante ne’e okupa no hela iha uma Estadu iha arredór Eskola primária Akadiruhun, Dili, 23 setembru 2022. Imajen Tatoli/António Daciparu

DILI, 05 fevereiru 2024 (TATOLI)–Adjuntu Diretór Eskola Bázika Sentrál 10 Dezembru Comoro, Nicolau Amaral, hateten komunidade liuliu xefe família 14 ne’ebé hela iha arredór eskola EBC 10 Dezembru ne’e prejudika tebes prosesu aprendizajen loro-loron nian iha sala-de-aula.

Notísia Relevante: Hasai okupante iha eskola sei akontese iha 2025

“Ida-ne’e prejudika tebes ita-nia prosesu aprendizajen. Ha’u fó ezemplu, uluk tempu Indonézia nian, profesór sira hela iha ne’e, ne’e ema ho nia maturidade no dedikasaun ne’ebé mak hela hanesan ne’e kontribui ba silénsiu. Maibé, ita agora ne’e pelu kontráriu, tanba hela tiha arredór eskola no ami dirijente bolu atenaun ba sira maibé nafatin de’it. Ita-nia situasaun mak nune’e, no hein de’it desizaun hosi Ministériu Edukasaun,” nia dehan ba Agência Tatoli iha nia kna’ar fatin EBC 10 Dezembru, Comoro, segunda ne’e.

Problema ida-ne’e, akontese dezde hosi Governu anteriór nia tempu no to’o agora seidauk bele resolve, maibé parte balun kuandu mai husu dadus eskola ne’e sempre koopera maibé kona-ba desizaun ne’e ministériu mak iha kompeténsia.

“Ha’u haree, okupante sira-ne’e mesak ita-nia profesór sira mak hela iha arredór eskola refere. Aumezmu tempu ita Timor, ita hatene kultura no se ita hela ona iha ne’e mak konserteza, família mós mai hela ho ita. Ida-ne’e mak estrundu ba buat hotu tanba profesór sira hela iha ne’e dezde 1999 to’o agora,” nia dehan.

Aleinde ne’e, Diretór Eskola Ensinu Sekundáriu Tékniku Vokasionál-Eskola Ekonomia no Komérsiu (ESTV-EEC, sigla portugés) Becora, Abel Sarmento, hateten xefe família lima (5) mak hela iha resintu eskola ne’e no hosi númeru ne’e iha profesór na’in-ida 91).

“Ida-ne’e ita hato’o ona ba Governu liuhosi Sekretáriu Estadu Ensinu Sekundáriu Jerál no Ensinu Tékniku Vocasionál. Ita hein de’it prosesu rezultadu ba kestaun ne’e,” nia dehan.

Notísia Relevante: MEJD-SETP sei diskute indemnizasaun ho okupante resintu Eskola Bidau Akadiru-Hun

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!