iklan

POLÍTIKA

Eleisaun prezidensiál 2024: Sidadaun Indonézia iha TL ohin halo eleisaun

Eleisaun prezidensiál 2024: Sidadaun Indonézia iha TL ohin halo eleisaun

Sidadaun Indonézia iha Timor-Leste tuir votasaun hodi hili Prezidente Repúblika Indonézia no Prezidente Parlamentar tinan 2024-2029, iha KBRI Faról, Dili, domingu (10 fevereiru 2024) . Imajen Tatoli/Francisco Sony.

DILI, 11 fevereiru 2024 (TATOLI)—Komisaun Eleisaun Estranjeiru (PPLN, sigla Indonézia), domingu ne’e, realiza eleisaun jerál ba 2024 ba sidadaun Indonézia ne’ebé hela iha Timor-Leste.

Eleisaun jerál ne’e ofisilamente loke hosi Embaixadór Indonézia iha Timor-Leste, Okto Dorinus Manik, iha Embaixada Repúblika Indonézia (KBRI) Dili, no husu ekipa PPLN nafatin iha vontade no forsa akompaña to’o votante sira konklui sira-nia direitu votu hodi Prezidente Repúbúblika.

“Agradese ba ekipa seguransa hosi Jakarta no Timor-Leste inklui ba ekipa sira seluk nafatin kuidadu aan tanba atividade eleisaun ida-ne’e la’o hosi dadeer to’o lorokraik, hodi nune’e ofisialmente ha’u loke eleisaun PPLN iha Dili,” Dubes Okto Dorinua hateten iha diskursu, iha Kedutaan Besar Repúblik Indonesia (KBRI) iha Faról.

Kandidatu Prezidente Repúblika Indonézia (RI) ho númeru sorteiu 01 Anis Baswedan, 02 Prabowo Subiyanto, 03 Gancar Pranowo bainhira partisipa debate kandidatu prezidente dahuluk iha edifisiu Komisi Pemilihan Umum (KPU), Jakarta, tersa (12 dezembru 2023). Imajen Espesiál.

Portavos Komisaun Eleisaun Estranjeiru (PPLN Dili), Fidelis Ase Olin, hateten, eleisaun ba sidadaun Indonézia iha Timor-Leste ne’e iha metodu rua, mak votasaun através Lokál Votu  Estranjeiru (Tempat Pemungutan Suara Luar Negeri, TPSLN) no Urna Móvel Estranjeiru (Suara Keliling Luar Negeri, KSKLN).

Nune’e votasaun ba sidadaun Indonézia sira iha Dili, deside hala’o iha KBRI Dili ne’ebé eleitór sira sira vota hahú oras 08h00 hafoin TPSLN prepara iha arredór KBRI Dili.

“Ohin, ita hahú vota ona maibé atu halo kontajen ba votu rasik ne’e sei hala’o iha loron 14 fevereiru tanba la’o tuir oráriu kontajen votu nian iha Indonézia,” nia hateten.

Totál númeru eleitór sira-ne’ebé rejistu iha PPLN hamutuk ema 5.833, hosi númeru ne’e detallu 4.739 rejistu iha Lista Eleitór Permanente no Exteriór Daftar Pemilih Tetap Luar Negri (DPTLN) hodi vota liuhosi TPSLN Dili no restu seluk liuhosi KSKLN.

Ba métodu KSKLN ne’e rasik espesifikamente ba sidadaun Indonézia ne’ebé hela iha munisípiu sira diferensa Dili votasaun KSKLN hala’o ona iha loron 04-06 fevereiru 2024, ne’ebé númeru eleitór sira-ne’ebé rejistu iha Lista Eleitór Permanente Estranjeiru (KSKLN) hamutuk ema 1.094 taxa partisipasaun hamutuk 71%.

Ba eleitór estranjeiru ba eleisaun tinan ne’e hetan buletin votu rua, mak eleisaun ba Prezidente ho vise Prezidente no membru kámara deputadu sira.

Iha votasaun dahuluk eleitór sira vota entre kadidatu Prezidente eleitu ho nia vise ba periodu tinan lima (2024-2029) nian mak hanesan, Anies Baswedan ho nia vise Muhaimin Iskandar, Prabowo Subianto ho nia vise Gibran Rakabuming Raka no Ganjar Pranowo ho nia vise Mahfudz MD.

Tuir mai eleitór sira sei halo votasaun ba membru kandidatu DPR Repúblika Indonézia. Buletin votu ba DPR nia mahar uitoan komapara buletin votu ba Prezidente eleitu ho nia vise sira.

Buletin votu ba DPR ne’e rasik prienxe ona naran ba kandidatu membru lejislativu hosi partidu polítiku 18 ne’ebé partisipa eleisaun 2024.

Antes halo eleisaun kandidatu sira bele konfirma naran sira rejistu iha Lista Kandidatu Permanente (DCT, sigla bahasa Indonézia) nune’e ba depitadu sira iha avizu kuadru disponível ba kada TPSLN.

Eleitór estranjeiru sira sei vota ba membru DPR RI hosi munisípiu ka (Daerah Pemilihan) Jakarta sentru no Jakarta Súl.

Iha fatin hanesan, votante Marde Vinnsenti, FSGM ne’ebé hala’o nia midaun tinan 15 iha Timor-Leste, nia parte husu Prezidente eleitu sira sé de’it mak manán iha eleisaun ho hanoin ida de’it ba dezenvolvimentu nasaun nian no kria pás tanba Indonésia rasik iha kultura, relijiaun ne’ebé diferensa.

“Maske ita iha diferensa kultura, ras no relijiaun maibé tenke hamutuk hodi dudu dezenvolvimentu nasaun nian no halo relasaun di’ak ba nasaun sira seluk liuliu relasaun di’ak entre Timkr-Leste no Indonézia hametin di’ak iha parte bilaterál ekonomia no seluk tan,” nia hateten.

Iha ámbitu eleisaun ne’e tuir observasaun jornalista Agência Tatoli iha Terrenu nota katak situasaun la’o di’ak tanba hetan seguransa másimu hosi Polísia Nasionál Timor-Leste (PNTL.

Jornalista : Arminda Fonseca

Editór       : Cancio Ximenes

iklan
iklan

Leave a Reply

iklan
error: Content is protected !!